تالان

البارت العاشر

‏"كنتُ أترك جزءًا مني في كل شخص عرفته وفي كل مقام مكثت به، أؤمن أنني تركت بكل شيء -غادرته أو غادرني- أثرًا يُشير إليّ بجميع أصابعة ..

.
.
.
.

لكيت ازهر دازلي ...

ردت انساك واني ادري اليحب لو راد صعبه يسوي اليريده ..

الحاجه التنعرض بلسوك عليها اللي يمد العين مو مثل اليمد ايده ..

اول مانويت تغيب كلت جرحك اكيد يطيب بس اليعبر السبعين شيوخر تجاعيده ..

الله يساعد اللي يريد واحد حيل ميريده ..

ماتت فكرة النسيان
وانه بشوفتك انسان

ب اول لحظه من يشتاك تتغير تقاليده

جان هل شعر كاتبه برساله ودازها وراهاا بكم دقيقه رساله ثانيه ومساحها

بعدين داز رسالة

الف مبروك يا شوغه كلبي وحرقته ..

يا الله شنو سوة بيه مدري ليش ضجت ليش نزلت دموعي انه م احبه بس هو معقوله يحبني يا ربي هذا الشخص راح يخبلني اشو كلامة كله تهديد ووعيد وقله احترام وكأنو عبدة يمة وين الحب بالموضوع ...

طلعت من المحادثه وم دزيت اي شي كمت مسحت وجهي وعدلت شعري نزلت جوة رجليه بلكوة امشي عليهن من الكعب

دخلت المطبخ لكيت اكل جاهز ...

سألت امي هذا منو طالبه

امي:عيني ناس تفكر وتجيب من وحدها

ليث موصي ودافع فلوسه ودزا خاف اجوعين وم بيج حيل اسوين اكل يا عيني شلون مهتم ويفكر كالتها وهي تضحك ..

شيماء هزتلي بحواجبهاا يمة الحب يمة ..

دنكت خجلانه منهم وهنا استلمني ضحك وتصنيف ..

تالان:لا يربي ليش والله م كايلتله ليش يدز اذا م نريد انتعب نفسنه احنه نطلب ..

انه من زمان م احب شخص يصرف عليّ احب انه اعتمد ع نفسي وانه البي احتياجاتي ..

كالت امي

_تعااي اكلي ولا تحاجين الولد عيب هو تصرف من نفسه ..

_سكتتت م رديت عليها كعدت اكل والله الاكل كلش جان طيب صدك اكلت الحد م شبعت

جان حاسب احساب بيتنه كله بحيث اهواي داز واشكال الاكل ..

اكلت انه وامي وخواتي وجهالهم البيت صاير هوسه م شاء الله كملت رتبت المطبخ وخليت الزايد بالثلاجة خاف احد يجوع ..

كعدنه نسوالف وهنة يوارني بالصور والمقاطع الي ماخذاتهن الي خليت بس تلفون زهراء يدخل للقاعه وصيت الكادر الي بالقاعه ممنوع يدخل اي تلفون فصور العشيرة كلهاا بتلفونها كعدنه نگلب بيهن ونضحك ..