تالان

البارت الثاني والاربعون

انتَ يا اول عرف
واخر غريب يحبني بس مو مالتي ..
يا حبيبي ..
اولايتي المابيها انتَ عيب اكول اولايتي ..
الليل شنهو الليل عگبك ..
لون مشمور بمدينه ..
الليل لو م بي محنه ..
شفرقه عن العميه عينه! 
.
.
.
.
.
.

تالان: اوكف يوسف بربك لا تتهور وتورطني بالزايد ..

يوسف: هاي شبيج كتلج والله م يلوحج شي ..

تالان: لا فهمني شنو اسوي يالله ..

يوسف: ماكو شي بس هسه اسولف وي اهلي واكيد تنطرح يمي خطوبه عاصم لان اهلي فرحانين ودنيا م واسعتهم وانه اكلهم تالان من جنت اطلع اوياها سولفتلي تحب احد م اعرف منو بس الصراحة الابنيه مرتبطة شلوو خطبتوها وشلون وافقت وانتُ سمعتو الموافقه من حلكهاا؟

راح يكولون لا مو صحيح لو عوبه وافقتي وكلتي ايي بلا مستحة ولا خجل ..

_لا م كلت بس بربك احنه بالعراق تريد اشوه صورتي وسمعتي كدام اهلك تحجي صدك انتَ؟

_شلون هسه اوكلها فرولة ولج شوكت شوهت صورتچ ابنيه تحب شكو بيها شنو هو بكيفنه والله الحب غصبن علينه يجي

_م ادري يوسف م اقتنعت واحس راح يطيح حظي بالزايد ..

_لج والله احسن حل عاصم نفسه ابيه وكلشي ولا يعرف شخص مجبور وم يريدة يتكهرب راح يلغي السالفه اصلا من يمة ويسكت ..

_ تحجي صدگ انتَ ؟

_اي والله شبيچ احسن حل هم اهلچ م طالعه منهم العيبه واهلي هم ينسحبون بهدوء بدون اي زعل وكان الله يحب المحسنين ولا كأنو صار شي ..

_واذا ابوگ يبلغ ابوي بكلامك انذبح وانصلخ لا جذب مو هيج بس راح يطيح حظي والله ..

_هسه احب اكلج اكلي نعال يابس وانجبي ترا اهلي كلش يحبوج شلون يسوون هيچ بيج م تدرين من رجعتي للبصرة البيت كله اخذله كم يوم ضايج ليكول فاتحة مو انتِ موليه ..

_خاف يزعلون مني ..

_لا يزعلون من تزوجين ابنهم وانتِ م تحبي واكيد م راح ترتاحون وتطلكون هنا صدگ يصير زعل وواحد يقاطع الثاني ..

_م ادري يوسف فكرها عدل وشوف اهلك الله عليگ لا تورطني ..

_ اوگ يابه ..

_اوك شلونك شخبارك راحت هل سنه مو

_اي والله بعد شنسوي ..

_لا اسوي شي بس ادرس ..

_انه قررت ازوج بلكي تكعد ادرسني وانجح ..

_هاي السالفه منيلك ..

_ولج صديقي ازوج بالسادس وهسه نجح وجاب معدل يكول والله كله المرة ادرسني بحيث اول م تكول الكلمة احفظها ..

_هاي شنو شو م ادري ..

_مو هينات عيني ..

_فديتنه فدي ..