تالان

البارت الثاني والثلاثون

أعاتِب رُوحي مَدري شلون ردتَك؟
وأنه عاگولي آترَف مِن وردتك
چنِت ماي و أعرفك أنتَ مو طيّن
مااعرف شِجاني وبَلَه زدتك
صرِت للمالَه أي موضوع عنوان
الچان يحّبني؟ لا يمكِن ولا چان!
اليحضُن رُوحه يشبَه ورد ذبلان
يارُوحي عليّچ هواي زَعلان
رُماد بنار صرتيلَه وتَغنيّن
تَغطيت وبعَدني الليله بردان
بَعد گلبّي شما يلتَم شملنه
الكاني خسران ..
الحَطب يلَتم حرگ مو لَمة اخوان
وبعد گلبّي إشتعِل بلگت يشُوفوك
ينشاف الهوّه مِن يصير دَخان ..
.
.
.
.
.
.

رحت وي الولد الي يسمة ليث وبوقتها هو الي ساق وكف يم كوفي كال انزل نزلت اوياا

طلب ناركيلتين وعصاير كتله انه م ادخن كال لا شو الا داخن ..

ضحكت ع سوالفه نزلو الناركيلات بدة يشرب ومنطلق وانه صافن عليّ

انتبه صافن عليّ حركلي راسه بمعنى شكو

_شكو

_ليش م تشرب لا تكول م مجرب ..

هزيت راسي اي

_ جرب هسه سحبت نفس بسرعه نشحطت بقى يضحك عليّ الثاني الثالث يلا تعلمت عليهااا

بس شفتها اذتني حيل حتى راسي كام يوجعني عفتها ..

اشوي وكال كوم رحنه تغدينه وخطيه كله هو يصرف م خلاني اصرف ولا شي فعلا بوقتها تونست اويا طلعت من مود الدراسه والبيت والشركة ..

وصار الازهر الوحيد صديق ..

بالكليه اكعد يمة اطلع اويااا اروح اجي كله اوياا وهو م يعرف اي شي عني ولا انه ..

بوقت الدوام جنت عادي البس ابيض بس بقيه الاوقات ملابسي كلة اسود مرة كاعدين بمطعم كال اسف ع سؤالي بس ليش كله ملابسك لونهم اسود وهيچ مبهذل روحك الي مثلك هسه شاب يطك بالكاع انت اشو لا اوبالي الشعر مدري شلونه بالسنه حسنه اشوفك محلق ومرتب شكلك كله اسود لو ابيض شنو قصتك ليش هيج ظالم نفسك يا اخي عيش حياتك هي الحياة شكد نعيشهااا بس مرة وحدة وباجر نندفن تريد تدفن نفسگ بالحياة ووراك دفنه وعذاب الكبر ..

طلعتي مني حسرة شكت صدري باوعتله وكتلة شوكت؟

كال دكول يا الله يمعود سولفلي فضفضلي اعتبرني اخوك انت مو تكول م عندي اخ انه اخوگ ..

_ نكمل اكل ونطلع مكان ثاني نسولف بي عرفت اذا اسولفله م الزم دموعي ..

وكلش حبيته ورتاحيتله كلت خلي اسولفلة همي بلكي ارتاح ..

كملنه عشه وطلعنه رحنه كعدنه بكورنيش كبال البحر وبديت اسولفله عن حياتي م خليت اي شي عنها الا درجة صافن واسولف م حسيت ع نفسي وانه دموعي تنزل اجة حضني وبقه يطبطب ع ضهري ساكت ..

وخرت راسي ومسحت وجهي وابتسمتت

اسف بس ذكرهم يهد حيلي وبسرعه تنزل دمعتي ..