تالان

البارت التاسع والعشرون

قوي گلبگ وانسى تعبگ
عوف كلشي وسلمة ربگ ..
هو اقرب من قرب روحك عليك ..
وصير غالي واترگ الناس الترخصك ..
اترگ الناس التعثرگ ..
صفي دربگ
لا تخلي احد يشخصگ ..
لا تخلي احد يطب الهذا كلبگ ..
الا ليبيع كلشي ويشتريك ..
.
.
.
.

قريت الرساله بقيت صافنه يلا هو بقت عليگ كتبتلة  براحتگ ..

طلعت من المحادثه وانطيت التلفون الزهراء ردت اصعد الغرفتي توة اول درجة كالت دز رساله

رديت عليها عوفي يولي واذا تردين حظري ..

صعدت فوگ سديت الباب وبقيت صافنه بعدني مريضه والتعب هادني نفسيتي زفت وجع كلبي مو طبيعي خسرت صديقاتي خسرت ناسي الاحبهم خسرت الناس الي ربيت اوياهم وكملت اوياهم حياتي خسرت الانسان الوحيد الي دكلة كلبي وحبيته و خسرت صحتي خسرت قوتي خسرت ضحكتي وراح اخسر وضيفتي بعد شنو الي راح اخسرة من وراهم ؟

بقيت كل دقيقه تمر عليّ اذكر كل الم حسيت بي كلشي فقدته وضاع مني اذكرة واحقد عليهم اذكرة واكول حسبيالله ونعم الوكيل الله يطلعلي حقي منهم بشي مضاعف للي عشته والي جاي اعيشه سلمتهم بيد الله وانتظر انتقامة الي الله م يعوف عبدة خصوصا اذا كان هيچ منكسر ومتعذب ..

صحيت ع دكت الباب كمت فتحته لكيته ابوي جرني من ايدي حظني ونزلنه انه واويا جوة جنت جسد بلا روح همة يمشوني همة يوكلوني قبل فترة هم جانو يبدلوني ينيموني دميه فاقدة للروح تماما يحركوها ع كيفهم ..

نزلت لكيت اهلي كلهم متجمعين حتى حسين جاي م ادري شوكت بسرعه كام حظني

نهاريت بحظنه تماماً كعدت ابجي من كل كلبي وهو حاظني ..

ورى اشوي كال كافي ولج م مليتي من البجي حتى لو ماتو جان هسه فاتت الاربعينيه عليهم واغلب الناس طلعت من حزنهم وعاشت حياتها شنو سالفتج انت ..

جاوبته يا ريت ميتين ولا هل دكة الي سووها اوياي بهاي فعلتهم للاسف موتوني وهمة الي عاشو اذا جنت كاعد ابجي فمو عليهم ابجي ع نفسي ع نفسي بس ..

شبكني وباسني وكال يولون والله م يستاهلون وبعدين توة جاي من السفر اهون عليچ تأذيني بدموعج شو تعالي كعدي خلي اشوفكم واشبع من شوفتكم ..

كعدو اهلي وبدو يسالفون ويضحكون يمي بعدين صار العشه تعشيته بوقتهاا صح تغيرت نفسيتي وضحكت اوياهم لان نكرت حسين وحسن م تخلص ولا بد يجفص حسن ويحصل المقسوم من حسين ..

اشوي وكال ابوي باجر نطلع كلنه للزيارة حظرو نفسكم دام حسين اجة هم نطلع كم يوم ونرجع م عارضت ولا علقت اكتفيت بالسكوت وابوي اصلا بلغنه مو سألنه يعني حاسم امرة ..

سهرت لشوكت وبقيت كاعدة لان حسيت نفسي ارتاحيت اوياهم كل يوم ابقى بغرفتي وبين اربع حيطان بس التفكير والاساله والندم وجم ليش بليش الحد م ادمر اكثر و اشرب منوم وانام ..