تالان

البارت الرابع والثلاثون

عيش.. ولا تظل تمشي ورى جروحك ..
واذا موجوع دبرها ..
ترا شما سولفت ع البيك
تبقى التوجعك روحك ..
.
.
.
.
.

وخرت من غدير ونزلت راسي وبديت افرك بعيوني ووجهي بأيدي ..

غدير: اسفه تالان بس ثقي بالله صدك ضوجتيني منج يعني بخبر واحد تهدمين كل تعبنه وتنسين كل النصايح والكلام الي كلته الج وترجعين النقطة الصفر ليش يا عمري ترا والله م يستاهلون كل الي جاي اسوين بنفسج حرام اصلا هذي نفسج امانه عندج حرام تأذيهاا ع ناس م تسوة ..

وبعدين انتِ ليش هيج شالعه كلب كل شخص يحبج ويخاف عليچ ترا الحياة مو بس ليث ولباب وانتهت لا حبي فكي عينج عدل وباوعي وشوفي الناس الي تحبج وتخاف عليچ تعرفين انتِ كم اتصال اجاني من وسن ونور وهنَّ يتصلن وخايفات عليچ كم اتصال من ازهر وهو مفتقدج بالشركة وم يعرف احد هنا حتى يتصل بيچ ويطمأن عليچ بحيث خابرني مفرفح ع اخبارچ وين تالان شبيها تعرفين اخبارها ؟

ليش حبيبتي تالان ليش هيچ ادري اهلج شلون ساكتين عنج شلون عايفينج وانت تموتين روحج وتعذبيها هيچ ..

اصلا انتِ بيش الكيلو ويحترموج ويخلونچ تجين وحدچ حسبالهم بنتهم خوش ابنيه وقويه م يدرون بخبر واحد نست كلشي وكابلت روحها وكعدت تبجي وتندب حظها
لا الله عليچ احلفچ بكل مقدس تأمنين بي بجيتي وعذبتي نفسج وسهرتي ذبلتي وجهج ومرضتي نفسچ و غيرتي معانج وجهج شنو الي صار شنو الي حصلتي؟ !!!

م جاوبتهااا احس دخت حيللل بحيث عيوني بقيت افكهاا بالكوة تريد تغمض وارجع افتحهاا ادنيت نمت ع جتف قمر ..

غدير: شلونج هسه؟ !

هزيت راسي بدون م اجاوبهاا ..

غدير: شنو صرتي خرسه لو اكلتي السانج من الجوع ؟

مع احترامي الج يعني انت ضايجة شدخله الاكل ازعلين عليّ ترا والله الاكل مو لباب وليث زعلي وضوجي بس اكلي ..

ساكته عنهااا ..

تالان حبي والله انه فاهمتج وعارفه شنو جاي تحسين بي اعرف هل شي صعب عليج فاهمة اذيتج من اقرب الناس الج حاسة بشعور الخذلان والخيبه الي جاي تحسينه بس عشناه احنه م كتمنى بداخلنه حتى هل مشاعر هسه تطلع ونعيشها لا عمري انتِ عشناهاا وبجينه ولطمنى وضعفنه وتمرضنة تغيرت سلوكياتنه بعدنه اهواي ناس من عدنه بس كافي كافي الا متى نبقى ع هل حاله اكو شي اسمى تخطي الانسان تمر عليّ اهواي صعوبات بحياته لو كل شخص بينه سوة الي سويتي وبقى واكف م كمل وتخطى محد كدر يعيش ويستمر بس هذي الحياة توكعنه نكوم ونتحدها ونكمل ..

هزيت راسي دلاله ع تأيد كلامها ..

غدير: تالان تعرفين معنى اسم الله الحسنى (الجبار)

هزيت راسي لا ..

غدير: من معاني اسم (الجبار) الذي يجبر اجساد وقلوب عبادة ..فالعيش في كنف الاله يمدني بمراهم الصحة,وضمادات السعادة ومسكنات الاوجاع ومضمدات الجروح ..