تالان

البارت التاسع والثلاثون

زعلان لو مشتاق هيچ ابدي ..
بفراك وجهك لو معزتگ عندي ..
يوميه اطلع صورتچ واصفن بيچ ..
من وجهج اتخيل ملامح ولدي ..
.
.
.
.
.

ازهر: شعندچ كاعدة ليهسه روحي نامي ..

دزيتة اكو شخص غثني واذا انغثيت م اكدر انام ..

_ تستاهلين بس محد يستاهل اتعبين عيونج الحلوة روحي نامي ..

_ازهر شبيگ والله اسلوبك جاي يضوجني ..

_تالان انتِ تمردين كلبي وتحركينه وبعدين تكولين شعلي وشبيگ ..

_اف هسه غير اعرف ع شنو ضايچ شنو الي سويته يا عيني؟

_اذا بنظرج م مسويه شي فهاي هيَ انسي ..

_يمايييييييي كلبي شگ اهدومةةة ولك شني يا ربييي ..

_هههههه شبيچ

_روح نام خلي اشرب ماي وانطمر لا انجلط ..

_اسم الله عليچ يا روحي ..

_روحك كلتلي لا واضح كلش واضح ..

_روحي نامي بويه احسن ..

_شلونك الله عليگ ..

_بخير وغلات عيونچ بگلبي ..

_اوكي لعد تصبح ع خير

_انتِ خيري بعدچ م اريد شي ..

نمت مرتاحة لان اطمأنيت علي وبقى تواصلي وي ازهر بشكل يومي اتصل عليّ مرات مختنك واعرف متأذي بس م يحجي يخلصهاا مثل كل مرة حجج مرات روحة طالعه بس اتحمله شسوي الحد مرة عندي عطله جمعه عمري م انسى هل يوم وانسه اذيته الي عشتها بيّ نايمة سمعت تلفوني يرن رفعت راسي بضجر باوعت للمتصل ازهر وساعه ب7 شعندة هل وقت متصل عليّ؟!

جاوبت: اممم

ازهر: رويحتي صحصحي اوياي اعرف سلبت راحتج بس وكت م عندي ..

كمت كعدت وانه افرك بعيني كول ازهر شبيك ..

_تعرفين شكد احبج وشكد روحي من الدنيا انت ..

_ابتسمت وجاوبته وشنو الجديد يعني؟

_احبج تالان حيل احبج كالها بطريقه قشعرت الشعر جلدي ..

_بيك شي ازهر؟

_بيها اهواي روحي شرد اعد وشرد اخلي ..

_الله يخليك لا اضوجني ازهر سولفلي انه مو جنت افضفضلك وانكد عليك واترسك سلبيه واطلع كلشي م بيه ..

_صعب تفهمين الي بيه حيل صعب ..

تالان تدرين قبل فترة سألتي سؤال شوكت حسيت رجعلتلك حياتك وارتاحيت وسويت نفسي نايم م جاوبتچ

_اي اذكر ..

_م جنت نايم يا روح ازهر بس خفت اجاوبچ وتبتعدين عني ..

_بلعت ريكي وانه اكله ليش؟

_لان حسيت ارتاحيت ورجعت حياتي من حضنتچ وضميتج الصدري ردت ادخلچ داخل كليبي بس انتِ جنتي رافضه هل شي..