تالان

البارت السادس والعشرون

هذول احنه
مشت دنيانا بالمكلوب
والتمت علينه حروب
ونسدت دروب وبوب
لكن ..ابد م طحنه
هذول احنه
سمر سحنه ..
ورد جوري اذا فحنه ..
.
.
.
.
.

دخلت للغرفه واشوف عاصم نازع ملابسه  وباقي بس بالشورت وكدام الامرايه واكف يباوع الوجهة جفلت بمكاني ونثولت لا انه الي طالعه ولا انه الي معتذرة بقيت ساكته وواكفه وهو من الصدمة خطيه هم م عرف شنو يسوي

الحمدلله صحيت ع نفسي ودرت اريد اطلع وانه جاي اسد الباب وجان تنطبگ ع رجلي احس عصرت اصبعي عصر روحي شاغت كعدت بالكاع لازمتها ودموعي نزلت متتتت وجع مو طبيعي ..

اجة خطيه عاصم وسمر يمي يردون يفتهمون شنو بيه ماكو يسألون ليش تبجين وانه حتى م ارفع وجهي مستحيه من الموقف السخيف الي صار وهو اجة اصبعي رحمة من الله جمعت الموقفين وكعدت منزله راسي وابجي ..

خطيه سمر تحاول ترفع راسي وتمد ايدها تمسح ادموعي وعاصم يكلي بالله اشوف وين اتأذيتي تالان كولي شنو شبيج شو رفعي راسچ خلي اشوفج ..

انه مبوخة من الخجل وجسمي كب نار وهذا يكلي رفعي وجهج والله بطران ادور حفرة اطم روحي بيهاا ..

اشوي رن تلفوني باوعت ابوي يا ربي مو وكتة والله بابا مو وكتك اذا كتشفني باجيه يكعد تحقيق وشنو بيچ وم اريد اخلي بالهم يمي ..

بسرعه رفعت راسي مسحت دموعي اتنفست اقوي روحي وهاي كلها متفاديه نظرات عاصم وم اباوع الوجهة كمت بسرعه اكو ماي شربت شوي تحمحمت
خلصت الرنه الاولى بسرعه اتصل مرة للثانيه جاوبته

هلو بابا حبيبي شلونگ ..

محمد: هلو بنياتي شلونج شخبارج

جاوبته الحمدلله زينه انت شلونك امي شلونها ..

زينه امج توة كاعدة يمي وكالت اتصل ع تالان شوفها شخبارها ..

يا عمري يا ماما زينه الحمدلله انه بس مشتاقتلكم م ناقصني بس شوفتكم ..

محمد: روح ابوج وامج خو م محتاجة شي ..

جاوبته سلامتكم بوسلي ماما

ضحك كال تدللين يابه اشبعلج اياها بوس

ضحكت بسرعه ترخصت منهم وسديت الخط وانه كل هذا مطيه ضهري الهم ..

التفتت تحمحمت وحجيت اسفه لان داهمت غرفتگ بدون اذنگ لان سمر اصرت الا انه اختار ملابسها و شسمة حكيت خشمي اوف شنو هاااا اتصلت ع سارة كالت عاصم جوة يم ابوي روحي بسرعه وتعالي ..

فأكرر اعتذاري ..

اشو هذا صافن عليّ ..

اشرت بيدي عاصم عاصم ..

غمض عيونة وفرك وجهة

عاصم: اكلج شنو قصتج انت توة خلصتيهاا ادموع ويا هلي يامن ضيعوني