يجلس علي كرسيه الملكي بمكتبه الفخم الخاص بيه يشرب قهوته خرج صوته الحاد:عابد جاي بكرا ياامير اجهز
امير ببعض القلق:انا وشذا جاهزين وان شاء لله خير
نطق شقيقه بحب اخوي يقول:ان شاء لله
تكلم الاب بصوته الحاد:على شركاتكم ومش عايز تقصير عاصم بلغ اسد يتولي اجتماعات انهارده بدل هشام
عاصم:بس هشام
قاطعه الاب بصرامة:كلامي يتنفذ ياعاصم
اومأ الاثنان بطاعة ناهضين ليتجهة كلا منهم للشركة المسئول عن ادارتها اما الاب فظل يري ملفات خاصة بشركاته يطمئن انها في ازدهار
***************
في ذلك الحي الشعبي كانت تركض تلك الفتاة بمرح فهي واخيرا عادت من جامعتها تريد الصعود لترتاح علي سريرها ولكن تذكرت ان تجلب اشياء لترفة عليها هي وشقيقتها فذهبت لذلك المحل تدخل بجمالها الذي ينجذب له الجميع ابتسم ذلك الرجل العجوز عندما رائ تلك المشاكسة امامه تقول:ازيك عمو هاني
هاني:ازيك يابنتي عاملة ايه في جامعتك
ردت وهي تمسك الشوكولا وتاخذ العصائر والمشروبات بجانب البسكويت والايس كريم :فل الفل يالا حاسبني عايزه اطلع
حاسبها هاني فقالت:يالا باي ياعمو
هاني:علي مهلك يابنتي خلي بالك من الطريق
اومات له اخذه الاكياس صاعده للبيت واول ما فتحت الباب قابلت شقيقتها الذي ركضت لها تقول:جايبلنا ايه
ردت الاخر تقول بغضب:داخله عليا زي الطور كدا ليه مجبتلكيش حاجة اوعي ابت
تكلمت الاخري برجاء:ونبي ياقموري هاتي اكل معاكي
قاطعهم ابيهم ووالدتهم الذي اتو علي صوت الباب تقول الوالده:شمس قمر في ايه مالكم ايه الدوشة دي
ردت شمس تقول:بابا خليها تاكلني معاها
قمر:دي حاجتي انا
قبلت شمس خد شقيقتها تقول:ونبي
قمر وهي تبتسم:خلاص خدي الاكياس دي دخليها جوا خدي اللي انتي عايزاه بس اياكي تخلصيهم
اخذتهم شمس راكضه للغرفة تنهد الاب يقول:قمر عايزك
نظرت قمر لوالدتها الذي هزت راسها بعدم ادراك
ذهبت معهم دخلت غرفة والديها جلس الاب علي الفراش يقول:تعالي ياقمر اقعدي
ذهبت قمر وجلست امامه فقال الاخر:جهزي نفسك ياقمر عشان هنسافر
تكلمت الام بسرعة:فين ياعابد هتاخد قمر علي فين
عابد بهدوء:هاخد شمس وقمر علي بيتها الجديد
نظرت قمر له تقول وهي ترفع حاجبها:هو احنا هننقل
عابد:اه بس الاول هاخدك تشوفي المكان
قمر:وهناخد ماما وشمس
عابد:لا هنروح انا وانتي وشمس انا قايلها
قمر بحماس:هنروح امتي يابابا
عابد بابتسامة:بكرا
صفقت قمر بيدها تقول:واخيرا هننقل ونروح مكان جديد انا هروح انام بقي عشان اصحلكو فايقه كدا واعرف اروح وادتكتك واخطط لللديكور البيت الجديد
تكلمت الام:مش هتاكلي
تكلمت قمر وهي تخرج:لما اصحي
ذهبت قمر لغرفتها مع شقيقتها فقالت الام بسرعة:انت هتاخدهم علي فين
عابد بحزن:صقراوي بيه كلمني وامرني ارجعلهم شمس وقمر
نهضت الام بغضب:لا طبعا هما مش ادهولنا نربيهم ليه عايزين ياخدوهم تاني لا مش بعد ما كبرناهم وعاشو معانا هنوديهالهم
عابد:متنسيش ان اللي احنا فيه دا بسببهم احنا كنا بنشتغل عندهم
ردت ببكاء:بس دول بناتي اللي مخلفتهمش
عابد:احنا خدناهم منهم نربيهم تحت اوامر صقراوي بيه بامقابل مادي كبير واتفقنا انه لوقت معين كان وقت ما يقول شمس وقمر يرحوله تاني يوم يكونو عنده
مسحت الاخري بكاءها تقول:شمس وقمر هيوافقو
عابد:هما هيتصرفو معاهم
نطقت الاخري تقول:بس انا مقدرش ابعد عنهم انت مكنتش قريب ومهتم غير بتعليمهم لاكن انا
عابد مقاطعا اياها:هنبقي نروح نشوفهم من الوقت للتاني
تكلمت بحزن:طيب
تنهدت الاخري وصمتت بحزن علي حالهم ولكن كما قال زوجها فهم دفعو لهم كي يعتنو بهم لوقت محدد وبعدها سياخذوهم والواضح ان الوقت قد حان لكي يعودو ولكن كيف ستكون ردت فعل الاثنان هل ستقبل هذا ام سترفض
$$$$$$$$$$$$$$$$
دخلت قمر الغرفة وجدت شقيقتها تاخد وتشرب دون ان تنتظرها فقالت:يابنت الجذمة بتاكلي من غيري
شمس:اقعدي بقي وسيبني
قمر:طب سيبي شوية حاجات نتسلي فيهم بكرا في الطريق
شمس بفرحة:بابا قالك
قمر وهي تاخذ شوكولا تاكلها:انا ياختي
شمس:انا فرحانه اوي هنروح بيت جديد بس خايفه سيكا
قمر:مش قولتلك متخفيش مهما حصل وانا معاكي وان مش هسمح لاي حاجة وحشة تحصلك
شمس وهي تعانق شقيقتها:بحبك اوي
قمر:وسختيني بشوكولاته يخربيت اللي جبوكي
شمس:كدا كدا هتغيري
قمر:طب اوي ياجذمة
شمس:لا وبدات تقبل وجهها لتوسخه هو ايضا فضحكت قمر تقول:لو نسكتيش هجيبلك الكلب اللي اسمه بندق
شمس وهي تبتعد بخوف:انا ساكته اهو
قمر:يالا نام بقي انا تعبانه
شمس:مش عايزه ياغيبوبة نامي انتي
نامت قمر دون ان تبدل ملابسها حاي تقول:متعمليش دوشة ومتخلصيش الحاجة
اومات لها شمس وهي مستمرة بالاكل بينما الاخري كانت نائمة
$$$$$$$$$$$$
أنت تقرأ
احفاد الصقراوي
General Fictionبنتان توام يعشقان ببعضهم البعض شخصياتهم المختلفة خلقت لكل منها شخصيه فريده مميزه كاشكلهم الذي يشبه جمال الليل والنهار ولذلك تم تسميتهم شمس وقمر وبرغم من اختلافهم في الشكل والشخصيات الا انهم لا يستطيعون العيش بدون بعضهم البعض
