اتي اليون التالي واستيقظ الجميع ارتدو ملابسهم وتوجهو للاسفل ما عدا شمس الذي كانت تبكي ترفض النزول: مش عايزه جدو هيضربني هو مش بيحبني
امير وهو يكور وجهها بين يداه:هو بيحبك بس مبيحبش اللي يعلي صوته عليه وكمان هو فيه بنت حلوه تشتم جدها لازم تعتذريلو
شمس ببكاء وخوف: عشان خاطري مش عايزه انزل ولا اكل انا مش عايزه حاجة
امير:عشان خاطري انا لازم تنزلي وتقعدي في وسطينا وكمان لو منزلتيش انا كمان مش هاكل يرضيكي افضل جعان كدا
شمس بسرعة:لاا خلاص هننزل بس متخلهوش يضربني هي قمر فين هتنزل معانا
امير:متخفيش طول ما انا معاكي ياحبيبتي اما قمر فهي راحت مشوار لما ترجع هتاكل
اومات له ونزلو للاسفل وجدو الجميع يجلس علي الطاولة يتناولون طعامهم جلس امير بجانب شقيقه علي كرسيه
شذا:تعالي ياحبيبتي اقعدي جنبي
امسكت بملابس امير تنظر لجدها بخوف تنهد امير ينظر ليفهم بانها خائفه وفورا تفهمت هذا وضع طعامها امامها
لكنها شدت ملابسه تهمس له بصوتا مكتوم:مش عايزه
امير بحنان: مالك بتتكلمي بصوت واطي ليه ياحبيبتي
بكت شمس بخوف تقول: ليه قولت ان اتكلمت دلوقتي هيضربني
امير بسرعة وحنان:متخفيش ياحبيبتي مش هيضربك اهدي من غير عياط قوليلي عايزه ايه
شمس وقد هدات:مش عايزه اكل
امير:ليه
نظرت شمس لجدها بخوف ثم لوالدها تقول بجانب اذنه:مش بحب اللبن والبيض
امير:بس انتي ضعيفه وهما مفيدين ليكي
تحركت تقول بنفاذ صبر:انا مش عايزه
وبدون قصد وقع كوب الحليب فنظر لها الجميع واولهم جدها الهادي منذ ان نزلت مما جعل جسدها يرتعش وتبدا بالبكاء برعب:والله مكنش قصدي والله العظيم وقع غصب عني انا موقعتهوش والله انا اسفه مش هتحرك تاني
عانقها امير بسرعة يقول بحنان وهو يمسح علي ظهرها:عارف ياحبيبتي في ايه ليه كل دا محدش هيعملك حاجة متخفيش
شمس ببكاء هستيري:لا هو هيضربني
لم يتوقع الاكبر ردت فعلها تلك فهو مجرد كوب لاول مره يشعر بذنب في حياته برغم انه دائما من يرفع صوته يكون مصيره الجحيم ولكن هي طفلة وليست اي طفلة هي حفيدتة الوحيدة اصبحت تخافه لدرجة انها لمجرد ان اوقعت كوب بدون قصد صارت بتلك الحالة
رندا:حبيبتي جدو مش هيضربك ولا حاجة دا مكنش قصدك
هشام:انا اسف للجميع
اخذ هشام كوب فارغ واوقعه يقول:انا وقعته اهو مفيش حاجة
شمس بخوف ونبرة باكيه:يعني جدو مش هيضربني ولا يحبسني في الضلمة
امير:جدو مش هيعملك حاجة ياحبيبتي ايه رايك اي اكل هتطلبيه هجبهولك تكليه
شمس بخوف:مش عايزه انت لما تمشي خدني معاك بس
كاد ان يتكلم امير ولكن اوقفه صوت ابيه:شمس تعالي
كلمتين جعلو جسدها يتجمدو وهي تمسك بملابس الاخر عيناها الذي اصبحت تنزل دموعها بخوف واحداث البارحة تتكرر بعقلها
مسح امير وجههه بتعب من خوفها وبكاءه الطويل يقول بحنان:جدو عايزك متخفيش يالا ياروحي
رفع الاكبر نظره لتلك الصغيره الذي تختبي بوالدها ففال بصوتا حاد:شمس مبحبش اعيد كلامي
نهضت وخطت بخطوات بطيئة خائفه تحت نظرات الكل ما عدا اسد الذي كان ياكل بالامبالة لما يحدث حوله
وقعت امامه تقول بخوف:والله هسمع الكلام بس متحبسنيش تاني
سحبها يجلسها علي قدمه تحت نظرات الصدمة من الجميع كانت كالاطفال بين يداه هي خائفه لدرجة انه شعر بنبضات قلبها فقال بصوتا هادئ جعلها تطمئن قليلا:انتي عملتي حاجة تخليني احبسك او اضربك
شمس بصوتا خافت:لا
رد الاكبر عليها يقول بهدوء:يبقي خايفه ليه
شمس ببكاء:عشان انت حبستني امبارح في القوضة الضلمةوانا مبحبهاش وضربتني جامد ووقعتني علي دراعي المكسور وخليته يوجعني اكتر
قالت كلامتها تعاتب الاكبر نظرتها البريئة قلبها النقي الذي لا يحمل حقد اتجاه احد وهذا ما رائه بعين حفيدته
مسح علي شعرها يقول:وفي بنت مؤدبة ترفع صوتها علي جدها
نظرت للاسفل وهي تلعب بيدها :مش هعمل كدا تاني انا اسف
حاوطها الاكبر بيد واليد الاخري قرب الطعام اخذا منه قطعة يقدمها لها وهو يقول:المهم اتعلمتي من غلطك
اكلتها بهدوء ولم ترفض لاحظت الطعم فرفعت راسها واخذت الطبق بفرحة:انت عرفت ازاي ان بحب الكوكيز
رد الاكبر عليها بهدوء وهو يشرب قهوته:بالهنا
في الحقيقة الجميع كادت ان تصل افواههم الارض ولكن نظرته لهم جعلتهم يكملون طعامهم اما امير فابتسم وهو يري ابنته انغمست بالاكل واخذت كوب عصير وشربته معهم
حسنا نهض الجميع وذهبو لعمله اما امير فنهض يقول:يالا ياشمس
شمس:فين
امير:نشوف مشكلة ايدك
شمس برفض:لو نفسها مش هروح
امير:لا مش نفسها يالا ياشمس
نهضت شمس وذهبت معه اما الاخر نهض متجها لمكتبه بثبات وبرود جلس علي كرسيه الخاص وجد هاتفه يرن وصعه علي اذنه دون رد قابلته جمله جعلته في قمة غضبه:صقراوي بيه قمر مش موجوده
ضرب مكتبه بغضب يقول:قمر لو موصلتش انهارده ياعابد رقبتك هتبقي التمن
اغلق هاتفه راميا ايه وهو يلعن قمر الف مره
نعود لامير وشمس الذي ما ان ركبو السيارة قالت شمس:هما هيعملولي ايه
اخذها امير بحضنه يقول بابتسامة:طول ما ابوكي معاكي متخفيش انا مش هسيبك
شمس بقوة:بس انا مبخفش ولا ممكن اخاف
امير بتفاجا:لا ياشيخة
شمس بتفاخر:ايوا طبعا
ابتسم امير علي ابنته الطفولية واخيرا وصلو دخلو المشفي وجدو طبيب بانتظارهم:المستشفي نورت بحضورك امير بيه اتفضل الغرفة جاهزه
دخلا الاثنان وهذا تحت استغراب شمس الذي فقالت:هو احنا ازاي نخش هنا الاول في ناس قبلنا
الدكتور:القوضة دي مخصصه لحضرتك بس مينفعش حاجتهم تلمس حضرتك
جعلها امير تجلس علي السرير فقالت:ليه يعني كلنا واحد
تكلم امير فهو لا يريدها ان تتحدث معه كثيرا:حبيبتي في كذا قوضة وكل اوضة ليها دكتور وليه مرضاه
شمس:اه واحنا حاجزين قبليهم
اوما لها امير بعدما اشار للطبيب الذي تقدم وبدا بفصحها تحت نظرات امير وبعد ان انتهي تحدث بعمليه :درعها مخلوع لازم نرده
شمس:ازاي
الطبيب:بعد اذنك اقعد واحكم حركتها بحيث انها متقدرش تتحرك
جلس امير علي السرير الطبي جاذبا شمس لحضنه مثبتا اياها جيدا تاركا الذراع المصاب
شمس بخوف:هو هيعمل ايه
امير:متخفيش ياحبيبتي انتي في حضني
اقترب الطبيب يقول:غمضي عينك وعيدي لرقم تلاتة وبعد التلاته مهما حصل متتحركيش هتتالمي شويه بس بعدها الالم هيقل اتفقنا
اومات له بتردد وبالفعل اغمضت عيناه وصلت لرقم ثلاثة بعد ان نطقته دوي صوت صراخها بالغرفة باكمله تحاول ان تتحرك ولكن احكام والدها لامسكاها منعها انتهي الطبيب ليتحول ذلك لبكاء قوي ثبت الطبيب ذراعها نهض امير يقف امام ابنته الذي عانقته وهي تبكي بالم اما الاخر فاستمر بتمسيد علي شعرها اخذا اياها متجها للخروج قاصدا المختبر رفضت الجلوس فجلس امير واجلسها بحضنه مثبتا اياه لياخذو منها عينات الدم تحت بكاءها ورفضها
واخيرا انتهو وخرجو من المشفي باكملها ولكن لم ينتهي بكاءها
صعد للسيارة وهي معه ساحبا اياها لحضنه يربت علي ظهرها:خلاص ياحبيبتي كفايه عياط خلصنا
لم تهدا فقال:واضح انك مش عايزه حلويات كنت فاكرك بتحبيها
رفعت نظرها تقول:بحبها
ابتسم امير وهو يمسح دموعها:ايه رايك نروح هايبر وتجيبي كل اللي عاوزاه
ابتسمت الاخري متناسيه المها تقول:ايوا يالا
اعطها علبة عصير يقول:الاول اشربي دا لحد ما نوصل
وبالفعل اخذته وشربته وقد نست ما حدث من الاصل
وصلو هايبر كبير ونزلو وهي فور رويته ارادت الركض ولكن منعتها يد والدها:براحة مش هيجري
دخلو بهدوء وما جعلها مستغربة هو انه لا يوجد شخص بالمكان لم تهتم الا عندما سمعت والدها:خدي اللي تحبيه
بعد تلك الكلمة انطلقت بالهايبر اردت الجلوس بالعربة الذي اصرت ان تجرها هي ولا يساعدها اي حارس فحملها امير ووضعها بها يمشي ويجر تلك العربة وشمس لم تتوقف عن الاشارة وهو يجلب لها جلبت كل انواع الشوكلات واخذت ميكس وبسكويت تقريبا اخذت من كل شئ وهي تضحك ويال سعادتها العامره وكان لم يكن صراخها يملي المشفي منذ قليلا حاسب امير علي الاشياء امارا السائق بحمل الاكياس ولكنها اصرت علي اخذ كيس منهم ولم يرفض لها امير لها طلبا جلسو بالسيارة وحرفيا لم تتوقف عن الاكل بالاشياء مما جعله يصدم فقال:فين الاكل اللي بتكليه بيروح فين مش عارف
ناولتة قطعة فاقبل يدها يقول:شكرا ياحبيبتي بالهنا والشفل
رفعت نفسها وقبلته من خده تقول:انا بحبك ياباابا
نظر لها بفرحة عامرة يقول:انتي قولتي ايه
شمس بضحك:بحبك يابابا
اخذها امير بحضنه يقول:وانا بموت فيكي ياروح بابا دا علي كدا هغرقك كل يوم حلويات
شمس بابتسامة وهي تقبله مره اخري من خده:بس انا بحبك من اول ما شوفتك لانك كنت طيب معايا زعلت منك عشان انت بعد عننا بس انت حنين عليا وبتحبني عشان كدا خلاص مبقتش زعلانه
اخذها بحضنه يقول:عمري ما هبعدك عني يانور عيني خلاص كانت فترة وانتهت
لم تهتم بان تمسح وجهها بل جلست علي قدم والدها تضع راسها علي صدره مستمتعة بحضن والدها الدافئ وهي تاكل
وصلو القصر اخيرا وكانت نائمة بحضنه وهي تمسك الشوكولا حملها ودخل القصر صاعدا بها لجناحها الذي حضره لها هي وقمر قبل قدومهم ولكن صدم بالغرفة مزينة بطريقة جميلة جدا علم من فعل هذا فابتسم واضعا ابنته علي الفراش ملاحظا تلك الثلاجة فتحها ليجد كل انواع الحلويات ادخلو الخادمات الاكياس فاجعلهم يرتبوها بالثلاجة مع الاشياء وعندما انتهو خرجو تاكد ان ابنته مرتاحة فتركها وخرج نازلا لمكتب ابيه طرق الباب ودخل جلس امام مكتب والده الذي قال:بنتك تحليلها مش كويسه
امير بقلق:فيها حاجة
رد عليه يقول:فقر دم.انيميا حادة. نقص ڨيتامينات.نقص كالسيوم
امير:والعلاج
رد الاخر عليه: الدكتور هيبلغك
اوما له يقول:شكرا
ترك الاخر ما بيده ينظر له يقول:علي ايه
امير:مش حضرتك اللي زينت جناح شمس وقمر
رد ابيه عليه بهدوء:اظن مش محتاج تيجي تشكرني علي حاجة بعملها لحفايدي وبالمناسبة فيه حفلة عشان الكل يعرف مين احفاد الصقراوي
امير:ماشي قمر هترجع امتي
تنهد الاكبر يقول:قمر هربت من بيت عابد
امير:نعم وراحت فين
قاطعهم طرق علي الباب سمح الاكبر بالطارق فدخلت قمر وعابد نهض امير بسرعة لياخذ قمر بحضنه الا انها ابتعدت تكلم عابد وهو ينحني:حاجة تانيه سيدي
اشار له الصقراوي فخرج اما قمر فالتفتت تنظر له بعين تحبس بها دموعها خرج عابد دون الالتفات لها مما جعل برودها يعود مرة اخري
امير بحنان:حبيبتي انتي كويسه
لم تقول سوي:فين شمس
امير بهدوء:نايمة في جناحكم الخاص بيكم
قمر: ليه مالها
امير: لسه جايين من المستشفي
قمر بقلق: مستشفي ايه وليه
امير: درعها كان مخلوع وبنعملها تحليل
قمر بسرعة:ازاي اتخلع
امير:عشان جدك ضربها لانها رفعت صوتها عليه
قمر بغضب:جد مين اللي يضربها انتم مصدقين نفسكم ومين اللي اتكم الحق انكم تضربوها
تكلم صقراوي ببرود:قمر صوتك
قمر:انا حره في صوتي وبالنسبة لشمس محدش يقرب منها نهائي حتي انت ياستاذ امير واي حد هيتجرا انه يلمس شمس تاني هكون هدا القصر علي اللي فيه
##########
~هل ستوافق شمس شقيقتها في ان تبعدها عن امير؟
~كيف سيجعل امير قمر تحبه وتسامحه؟
-انتظرو البارت القادمم بحبكم بايي👋🏻
أنت تقرأ
احفاد الصقراوي
General Fictionبنتان توام يعشقان ببعضهم البعض شخصياتهم المختلفة خلقت لكل منها شخصيه فريده مميزه كاشكلهم الذي يشبه جمال الليل والنهار ولذلك تم تسميتهم شمس وقمر وبرغم من اختلافهم في الشكل والشخصيات الا انهم لا يستطيعون العيش بدون بعضهم البعض
