ذهب امير ومعه قمر اشار اسد لشمس الذي ذهبت تجلس علي الكرسي وتضع راسها علي السرير مرر الاخر يده علي شعرها برفق وحنان
مرت عشر دقائق ودخل امير مع قمر الذي جلست صامته قبل امير راسها لم تتحدث معه بل ابتعدت
امير بهدوء:تعالي ياشمس
شمس وهي تنظر لشقيقتها بقلق:ليه
امير بحنان: متخفيش ياحبيبتي
ذهبت له وخرجو ذاهبين لغرفة اخري اما هشام فقال لقمر بعد رائ ملامحها الذي وكانها علي وشك البكاء:زعلانه ليه
قمر:مش زعلانه بس سقعانه
خلع الاخر جاكيته يضعه عليها فالبسته الاخري وجلست علي هاتفها تبعث فيه بهدوء
دقائق ودخلت شمس الذي كان ظهر علي ملامحها البكاء فقال اسد بقلق:بتعيط ليه
امير:اديتهم حقنهم
ذهبت شمس لشقيقتها تجلس بجانبها وهي تضع راسها علي كتفها دون حديث مع احد تشاهد هاتف شقيقتها اقترب امير من اسد يقول:هشام تعالي
ذهب له هشام الذي قال:مالهم ساكتين كدا ليه
امير :زعلانين مني
ضحك هشام يقول:اطفال اوي
ابتسم امير هو الاخر يقول:اسد احنا حاليا هنروح والدكتور قال ان هيجي يشوف الجرح وهنروح تقدر تقوم معايا تغير هدومك
نهض اسد يقول:هدخل لوحدي ياعمي دا جرح بسيط
اوما له امير لعلم بان الاخر سيرفض مساعدة اي احد اما هشام فقال:لا طبعا هدخل معاك عشان لو حصل حاجة
اسد بهدوء:قولت انا كويس متقلقش هدخل خمس دقايق واخرج
هشام:لو اتاخرت عن الخمس دقايق هدخلك
اوما له الاخر ودخل الحمام يغير ملابسه وبالفعل خمس دقائق وقد خرج وفورا هشام ذهب يسانده يجلسه علي السرير اتي الطبيب ورائ الجرح يقول:مفيهوش اي مشكله بس بلاش الحركة الكتير عشان الجرح يلم
ذهب الطبيب بعدها نهض اسد كاد ان يقترب هشام ليسانده فقال اسد بهدوء:هشام لو تعبت هقولك متتعبش نفسك انا كويس
اوما له الاخر بياس من عناد اسد وكبرياءه سار بجانبه والاخر سار وكانه لم يكن مصاب هذا هو اسد لم يهمه اصابة او جرح ومهما بلغ خطوره ينهض وكانه لم يكن مصاب ابدا
خرجو من المشفي وركبو السيارة عائدين للقصر
وهكدا انتهي هذا اليوم بطولة المزعج وتعب علي الجميع لينام الجميع بسلام وهدوء
$$$$$$$$$$$$$$$
حل صباح اليوم الاخر علي الجميع فنهض هشام اولهم ذاهبا لغرفة ابن عمه وصديقة مقتحما الغرفة وجد الاخر نائم فذهب جهز له ملابسه استيقظ الاخر علي صوت الباب يري ما الذي يفعله هشام فقال بملل:انا مش والد ياهشام
قلب الاخر عيناه يقول:لا متصاب والدكتور قال حركتك تقل وانا بساعدك وكمان انهارده مفيش شغل
اخذ الاخر ملابسه يقول:مش الملك اللي يبقي عاجز ياهشام سامع
هشام وهو يحاول اقناعه:ياعم مش عاجز ولا حاجة بس ترتاح
اسد:راحتي في عدم شفقتكم ياهشام
دخل الحمام تاركا الاخر دقائق وخرج مرتديا بذلته الرسميه فقال الاخر بسرعة:خلاص ياعم حقك عليا متقلبش كدا انا خايف عليك
اسد بهدوء:يحطو سكاكين علي رقبتي ولا ان ازعل من اخويا الصغير
ابتسم هشام يقول:وصحبك
اسد بابتسامتة الجذابة وهو مستمر بتصفيف شعره باحترافيه:وصحبي
هشام:قولي بقي ازاي اخلي قمر توافق
اسد بهدوء:ومين قالك انها مش موافقه
هشام:ما هيا قالت قدامكم
اسد:موافقه ياهشام بس بتكابر الرك عليك
هشام بتركيز:اعمل ايه ياملك
اسد ببرود وهو ياخذ متعلقاته: تجاهلها
تركه يخرج من الجناح تاركا الاخر الذي ابتسم وخرج
$$$$$$$$$$$$$$
دخل الاب جناح بناته النائمين بعمق ذهب جالسا بجانبهم ييتولي امر استيقاظهم لانشغال شذا مع ايمان ورندا
هز شمس بخفه يقول:شمسي يالا يابابا اصحي
غطت شمس وجهها بالغطاء فعل الامر ذاته مع قمر الذي غطت وجهها تنام علي الجهة الاخري
تنهد الاخر فهم منذ البارحة لا يتحدثو معه مرر ربت علي شعر شمس:معقول حبيبت بابا تزعل منه
شمس بنعاس:اه
امير بذهول:علي كدا مش هبدا يومي بحضن من اميرتي ولا بوسة منها حتي
شمس بنبرة تهدد للبكاء:اه
امير بحزن:علي كدا يومي هيبقي وحش اوي وهبقي زعلان
ازاحت الغطاء تقول ودموعها قد نزلت:طب ما انت زعلتني
اامير بحنان:يعني اشوفكم بتعانو واسكت مقدرش انتم حبايبي عارف انهم بيوجعو بس دا لثواني بدل ما تتوجعو العمر كلو صح
اومات له فقبل راسها يقول:حبيبت بابا
حاوطت يدها رقبته وهي تعانقه وتقبله ثم ابتعدت تقول:كدا مش هيبقي يومك وحش
ابتسم لبراءه ابنته منتقلا لجهة ابنته العنيدة الذي قالت:انا مش شمس ومش هصالحك ولا هكلمك تاني
ابتسم امير وهو يدغدغها الا انها دفعت يده متحركة بانزعاج تخبي وجهها بالوسادة
بدا يمرر يده علي شعرها يقول:وانا مش هسيبك غير لما ارضي قمري
ابعدت يده بهدوء تقول:انا مش قمر حد وسيبني
اعاد يده علي شعرها عادت هي للنوم بالامبالة فتنهد بياس لعناد الاخري لو سالتم عن شمس فهي عادت للنوم لذلك قال امير:يالا عشان الجامعة
قمر:لا مش راحة
شمس:معنديش محاضرات انهارده
امير:وليه بقي ياقمر هانم
قمر بالامبالة:معنديش محاضرات
اخرج امير هاتفه يتصل بالمدير الذي اعلمه ان قمر لديها امتحان وشمس لا يوجد لديها محاضرات
اغلق الهاتف يتكلم بحدا:مش قولت علي الكدب ممنوع ياقمر
نهضت قمر تقول بانفعال:انا مش كدابة انا قولت معنديش محاضرات مش امتحان
امير بحدا:حسابك علي صوتك العالي لما ترجعي اتفضلي قومي البسي
قمر ببرود:مذاكرتش حاجة ومعرفش حاجة في المادة فاملهاش لزمة الروحة
امير بصرامة :تمم ملكيش خروج من باب القصر وتلفونات مفيش ولا حتي لاب توب وساعة واحده علي التلفزيون ودا لحد ما تتعدلي وتبقي تفتكري امتحانتك
خبئت وجهها بالوسادة وضعت شمس يدها علي ظهر قمر فقالت الاخري بغضب:سيبوني لوحدي واخرجو
نهض شمس بدون معارضة شقيقتها تغير ملابسها لتتجهة للنزول اما امير فقد خرج بعدما انهي حديثة
خرجت شمس من الغرفة تاركه قمر الذي كانت تبكي بصوتا مكتوم
دخلت شذا بعدما علمت من شمس ما حدث تقترب من قمر لكي تراضيها:بنوتي قومي عشان خاطر ماما امسحي دموعك
مسحت قمر دموعها فابتسمت شذا تقول:بنوتي القمر هتقوم معايا عشان تنزل تفطر صح
قمر بصوتا مكتوم:لا
شذا:وتزعليني
قمر: انا مش جعانه ومش عايزه اكل
شذا:وتزعليني انا وبابا منك
قمر:وهو هيفرق معاه حاجة
شذا:انتي زعقتي لبابا ياقمر وهو زعل منك
قمر:وهو اتهمني بالكدب وانا مكدبتش و مزعقتش انا انفعلت لاني مبحبش كلمة كدابة اللي قالها وهو بيزعقلي دا غير انه مهتمش ان انا زعلانه منه لاكن شمس صالحها بسرعة ومبيزعقلهاش زي ما بيزعقلي
صمتت شذا فاكملت قمر:وعشان متقوليش ان انا بحقد علي شمس انا عمري ما حقد عليها ولا غير منها لانها روحي
شذا:طب ما انا عارفة يروح قلبي بس شمس عمرها مارفعت صوتها عمرها ما اتعصبت زي ما انتي عملتي
قمر:كل واحده فينا ليها شخصيتها انا شخصيتي لما بزعل بتعصب وشمس بتزعل بتعيط هو بقي لو مش بيحب شخصيتي او مش حاببنى بشكل مجمل فابرحته خليه مع شمس
قالت اخر كلامتها بانكسار وهي تعود للنون
شذا بسرعة:لا طبعا بيحبك وبيعشقك كمان
قمر بصوتا مهتز مكتوم:انا عايزه ابقي لوحدي مش طالبة من حد يحبني
وقبل ان ترد شذا علي حديثها قالت قمر بجمود:عايزه انام
قبلت شذا راسها تغطيها ثم خرجت من الغرفة لتبكي الاخري بحزن لاسوء شعور من الممكن ان تشعر بيه اي فتاه وهو ان ابيها لا يحبها
نزلت شذا وجدتهم يتناولون الطعام ذهبت شذا وجلست بجانب امير تهمس له:قمر مش مبطلة عياط اطلع صلحها
امير وهو يطعم شمس:لا
شذا بهمس لامير:عايزاك بعد الاكل
اوما لها وانتهو من الاكل سحبت شذا امير تقول بعتاب:انت المفروض متفرقش بينهم
امير باستغراب:انا مبفرقش
شذا:انت بتسمي دا مش تفرقة قاعد بتاكل شمس براحة وتهزر معاها وسايب قمر فوق حزينة وبتعيط
امير:اولا انا بعاقب قمر
شذا: ثانيا منعت عنها التلفون والخروج دا عقاب كافي اوي انها مذاكرتش وزعقت لاكن انك تسبها وهي بتعيط وزعلانه وشافتك بتبوس وتحضن وتراضي شمس دا هيحسسها بايه
امير: قمر غلطت شمس لا
شذا: بس هيا مخدتهاش كدا خدتها انك مبتحبهاش ومش متقبلها عشان شخصيتها العنيده والانفعاليه
صمت امير فاكملت شذا:قمر عايزاك تحضنها ودلعها زي شمس حتي لو كانت شخصيتها عدائيه
امير: وعنادها وصوتها يزيدو
شذا: وليه متفهماش براحة وتبدا تقلل دا منها بتفاهم والكلام الاول وبعدين يبقي عاقبها برحتك
امير: ماشي ياشذا هطلعلها
تركها صاعدا لغرفة ابنته دخل وجدها نائمة بصمت وهي تشهق بخفه رق قلبه وقد ندم انه تركها تبكي وخرج اقترب جالسا بجانبها يقبل راسها وهو يمسح علي شعرها:قمري
تحدثت قمر بجمود:اخرج
تكلم ومازال يمسح عل شعره برفق:بابا حابب يتكلم معاكي ممكن
قمر:ليه
امير بهدوء:الصح انك تقومي وتمسحي دموعك تقعدي قدامي عشان نتكلم كدا تصرف مش مهذب ابدا ياقمر
رفعت راسها من الوسادة اعتدلت تجلس امامه مسحت دموعها تقول:نعم
خرج صوته الهادئ يحادث ابنته:خلينا نتكلم في نقطة زعلانه ليه
قمر بهدوء وهي تنظر للفراش:مش زعلانه
ادار وجهها يقول:وكدا مش كدابة
قمر:انت مش بتحبني
ابتسم امير يقول بحنان:ايوا صح مبحبكيش بس بعشقك انتي نور عيني وبنوتي الصغيرة الجميلة
قمر:باين انت سيبتني زعلانه منك وخرجت واتعصبت عليا وزعقلتي وكل دا عشان انفعلت
امير: مش عيب تنفعلي علي بابا
قمر: انا دي طريقتي لما بزعل بنفعل وبزعق اتولد كدا وانت مش متقبل دا ومش بتحبه والدليل انك بتتعصب وبتزعقلي مسمي ان اب مش حابب شخصية بنتو يبقي بيعشقها
امير: طريقتك غلط هتسببلك مشاكل كتير في حياتك لازم نغيرها ونغيرها ازاي نبقي قادرين نتحكم في اعصابنا اما حكاية ان مش حابب شخصيتك غلط انا بموت في شقوتك وطيبتك وحنيتك وفي قلبك الابيض الجميل زيك بظبط و قوتك وفي كل حاجة فيكي مش عشان سيبتك ابقي مبحبكيش وانما عوزت اخليكي تدركي ان تصرفك غلط فهمتي ياقمر
قمر: مش بعرف اتحكم فيها
امير:نتعلم دا مش عيب ابدا
قمر:طيب انا هصالحك بس بشرط ترجعلي التلفون والالب
امير:لا ثم لا ثم لا لما تهتمي بدروسك ومذاكرتك وامتحانتك واشوف دا بنفسي هبقي اجيبلك غيره واحسن
قمر:شوفت ان خاطري مش مهم عندك
امير:لا طبعا مهم بس مينفعش اطاوعك انك تسقطي في دراستك واقولك ان بحبك
قمر:طب عندي شرط تاني
امير:لا ياقمر
قمر:انت عرفته
امير:تسافري الرحلة تبع الجامعة
قمر:الله ينور عليك هو يوم والمصحف ومش هنبات هنرجع في نفس اليوم
امير:اتقبلي عقابك ياقمري ويالا عشان تنزلي وتفطري
قمر:زعلان مني
امير بابتسامة:وهو في حد يزعل من بنوته
ابتسمت قمر عانقها امير قاطعهم صوت شذا الذي قالت:انت بتخوني ياامير ومع مين مع القمر الجميل دا
قمر:اه بيخونك وانا عارفة مع مين
امير:انتي بتقوميها عليا
شذا:مع مين بقي
قمر وهي تحضن والدها:معايا
شذا بغيظ:طب عالفكرا انا بغير انا كمان
نهض امير يقبل راس زوجته:هما حياتي وانتي تاج راسي
ابتسمت شذا تقول:ربنا يخليك لينا
قمر:مشهد رومانسي اوي ومؤثر انا جعت هروح اغير عشان انزل اكل
ضحكت شذا علي قمر اما امير فابتسم متجها للاسفل ليجد شمس الذي تجلس بالحديقة مع قطتها بملامح حزينة اقترب منها نازلا لمستواها يقبل راسها:مال بنوتي زعلانه ليه
شمس:هو في حد بيكرهني وعايز يقتلني
امير:مين قال الكلام دا لا طبعا
شمس وهي تبكي:محدش بس هما حاولو يقتلوني
امير بحنان:عشان هما وحشين وهيتعقبو علي اللي بيعملو حد يكره شمسي
عانقت شمس والدها تقول:انا خايفه اوي
امير وهو يمسح علي شعرها:متخفيش ياحبيبتي انتي هنا في وسطينا في امان
شمس:انت هتنام جنبي انهارده
قبل راسها يقول:بس كدا انتي تؤمري
شمس:وهاتلي بيبس
امير:مش قولنا غلط عشان عضمك
شمس:مره كل يوم بس
امير:ولا مره ايه رايك تخشي جوا وتختاري العصير اللي تحبيه وتشربي لكن مشروبات غازية ممنوعة واسمعي كلام بابا عشان هو عارف مصلحتك
شمس:حاضر يابابا
امير:حضرلك الخير ياروح بابا
نهض امير تاركا اياها تلعب مع القطه بابتسامة ليذهب لعمله
$$$$$$$$$$$$$$$
تكلم ذلك الذي يجلس علي الكرسي ببرود:الرحلة يوم كام
تكلم ابنه ببرود:بعد يومين ياوالدي
استدار بكرسيه يقول:جهز الرجاله يامحسن
محسن باستغراب:ليه ياوالدي
تحدث الاكبر:.........
#############
-تواقكعتم بالاحداث القادمة؟
_انتظرو البارت القادم بحبكم باييي👋🏻
أنت تقرأ
احفاد الصقراوي
General Fictionبنتان توام يعشقان ببعضهم البعض شخصياتهم المختلفة خلقت لكل منها شخصيه فريده مميزه كاشكلهم الذي يشبه جمال الليل والنهار ولذلك تم تسميتهم شمس وقمر وبرغم من اختلافهم في الشكل والشخصيات الا انهم لا يستطيعون العيش بدون بعضهم البعض
