ရေခြားမြေခြားတွင် လူမျိုးခြားများနှင့်တွေ့ဆုံဆက်ဆံနေရ၍အဆင်မပြေရခြင်းထက် ချစ်ရသူနှင့်ဝေးကွာနေရခြင်းကသာ ပူဆွေးဝမ်းနည်းနေရခြင်း၏ အဓိကအကြောင်းရင်းဖြစ်လိမ့်မည်။
နေ့ရက်တိုင်းကို ဇွဲစစ်ပိုင်ဟူသောလူသားအား တမ်းတခြင်းဖြင့်အစပြုပြီး လွမ်းဆွတ်နေရခြင်းများဖြင့် အဆုံးသတ်ဖြစ်လေသည်။
အားလပ်ချိန်တိုင်းတွင်လည်း ထိုလူအကြောင်းများသာတွေး၍
ထိုသို့တွေးမိတိုင်းလည်း နှလုံးသားထဲမှ စူးနင့်စွာနာကျင်ရလေသည်။
** လွမ်းတယ် . . . **
တိုးတိတ်စွာညည်းတွားမိတော့ ပိုတိုး၍နာကျင်ရပြန်သည်။
..................
အကောင်းဆုံးသောပါရဂူများနှင့် ခေတ်မှီဆေးပညာများဖြင့် အစာအိမ်ကင်ဆာဆိုသောရောဂါကို အမြစ်ပြတ်ကုသနိုင်ခဲ့ပါသည်။
" သား ... မနက်ဖြန်ဆိုဆေးရုံဆင်းရတော့မယ်နော်။ ဘာစားချင်လဲ။ မာမီ ဘာချက်ပေးထားရမလဲပြော "
" မာမီအဆင်ပြေတာပဲချက်ပါ "
" အာ့ဆိုလည်း အခု မုန့်လေးတစ်ခုခုစားမလား။ မနက်ကတည်းက အစားကောင်းကောင်းမစားထားဘူးမလား။ ဆေးတွေသွင်းထားရတာ ခံနိုင်ရည်ရှိအောင် အစားများများစားရမယ်လေ "
" မားရဲ့ sandwishစားချင်တယ် "
" ဟင် "
" မားလက်ရာ sandwishလေးစားချင်တယ် လို့ "
" အဲ့ဒါက အခုတော့မဖြစ်နိုင်ဘူးလေသားရယ်။ သားစားချင်တယ်ဆိုရင် မာမီကိုယ်တိုင်အိမ်ပြန်ပြီးသွားလုပ်ပေးမယ်နော်။ သားရဲ့မားလက်ရာလောက်တော့မကောင်းလောက်ပေမယ့် မာမီအကောင်းဆုံးလုပ်ပေးခဲ့မယ် "
ခေါင်းတစ်ချက်သာညိမ့်ပြမိသည်။
တကယ်ဆို ဘာဆိုဘာမှကို စားချင်စိတ်မရှိတာပါ။
°°°°°°°°°°°°°°°°°°°°°°°°
VVIP roomထဲမှ ဒေါ်မီမီခင်ထွက်လာခဲ့သည်။
အခန်းမှန်တံခါးကနေ အခန်းထဲကသားဖြစ်သူကိုပြန်ကြည့်ပြီးသက်ပြင်းချမိသည်။
YOU ARE READING
The Place where Love exists 💙(Completed)
Romanceနေရပ်ဌာနေ ဝေးပါစေ ရေမြေသော်ကား ခြားပါစေ နှလုံးသားချင်းနီးစပ်ကြတဲ့အခါ ထိုဌာနေကား အချစ်ရှိရာ...။ ေနရပ္ဌာေန ေဝးပါေစ ေရေျမေသာ္ကား ျခားပါေစ ႏွလုံးသားခ်င္းနီးစပ္ၾကတဲ့အခါ ထိုဌာေနကား အခ်စ္ရွိရာ...။
