ကျောင်းအပ်ပြီးသောအခါ စစ်ပိုင်ကရထားစီးပြန်သည်။ မြို့ပတ်ရထားမစီးဖူးသောဘုန်းမာန်ကလည်း အတူလိုက်ပြန်သည်။ ရထားဆိုက်ချိန်မရောက်သေးသောကြောင့် ဘူတာရုံကခုံလေးများတွင် ခေတ္တထိုင်စောင့်နေရ၏။
"ဝှီး... မောလိုက်တာကွာ။ လူတွေကလည်းအများကြီးနဲ့ ပူအိုက်နေတာပဲ"
"ဘုန်း မာန် ဝင့်! မင်းဟာလေ ယောကျ်ားမဟုတ်တာကျနေတာပဲ။ မင်းနဲ့ငါအတူတူကျောင်းအပ်လာကြတာပဲကို ငါကျဘာလို့မပင်ပန်းလဲ"
"ဟာ! တူမလားကွ ၊ မင်းက 3rd yearဆိုတော့ ဒီမှာကျောင်းအပ်လာရတာ၃နှစ်တောင်ရှိပြီလေ၊ ငါကခုမှ1st yearစအပ်ရတာကွ၊ အတွေ့အကြုံမရှိသေးတော့ ပင်ပန်းတာပေါ့"
"အေးပါကွာ ... မင်းပဲညီးနေတော့ ခိုကောင်ရဲ့။ ဒါနဲ့ မင်းကဒီနေ့ဘာလို့ကားယူမလာတာလဲ? မနက်ကရော...ဘာနဲ့လာတာလဲ? "
"မနက်ကtaxiနဲ့လာတာ။ ကားက ဝပ်ရှော့ပို့ထားရလို့"
"အပိုတွေကပြောပြန်ပြီ ။ မင်းအိမ်မှာကားတစ်စီးတည်းရှိတာကျနေတာပဲ ။ ကွကိုအပျင်းတစ်ပြီး ကားမမောင်းချင်လို့မယူလာတာမလား?"
"အေး သိရင်လည်းပြီးရောပေါ့ကွာ ။ ဘာလို့လေကုန်ခံပြီးမေးနေသေးလဲ"
"အေးဟေ့ ... ငါပဲမှားတာ"
လို့ပြောပြီး ကျွန်တော့်ကိုမျက်စောင်းထိုးသွားတဲ့ စစ်ပိုင်။
ငါမပြောဘူးစစ်ပိုင် ။ မင်းနဲ့အတူပြန်ချင်လို့ တမင်ကားယူမလာခဲ့ဘူးဆိုတာ၊ မင်းရဲ့တစ်နေ့တာမှာ ငါလည်းပါဝင်ချင်လို့ မင်းစီးတဲ့ရထား ငါလိုက်စီးတယ်ဆိုတာ၊ ငါ့ဘဝထဲကိုမင်းဝင်မလာဘူးဆိုတာသိနေလို့ မင်းဘဝထဲငါဝင်ဖို့ကြိုးစားနေတယ်ဆိုတာ၊
ဒါတွေကို အခုချိန်မှာ ငါဝန်မခံနိုင်သေးဘူး စစ်ပိုင်"
ရထားစထွက်တာနဲ့ စစ်ပိုင်ကပြောသည်။
"ပြတင်းပေါက်ကနေ တိမ်တွေကိုသေချာခံစားပြီးကြည့် ။ ဒီမှာက တိမ်တွေအရမ်းလှတာ" တဲ့။
နေပါစေစစ်ပိုင်ရယ်။ မင်းကိုကြည့်နေရရုံနဲ့တင် ငါ့ကမ္ဘာကြီးက အလိုလိုလှနေတာ
KAMU SEDANG MEMBACA
The Place where Love exists 💙(Completed)
Romansaနေရပ်ဌာနေ ဝေးပါစေ ရေမြေသော်ကား ခြားပါစေ နှလုံးသားချင်းနီးစပ်ကြတဲ့အခါ ထိုဌာနေကား အချစ်ရှိရာ...။ ေနရပ္ဌာေန ေဝးပါေစ ေရေျမေသာ္ကား ျခားပါေစ ႏွလုံးသားခ်င္းနီးစပ္ၾကတဲ့အခါ ထိုဌာေနကား အခ်စ္ရွိရာ...။
