الجوزاء والفيصل

المقدمة :

.
.
.
" مَرات فتره ويحِن ومَرات يُوميه
مَرات حَتى بحلِم يستثگل الجيه .

.
..
شبيه مستعجل واحس الوقت راح يخلص بلمح البصر ؟
اتذكرها من جانت صغيره بالمدرسة هي وكصيبتها ..
ضعيفة بيضا طويلة ناعمة جنها لعبة ..
ولا مره فكرت بيها غير على انها طفلة ..
بس هالمره احس رايح حتى اشوف امرأءة رغم شفتها اكثر من مره قبل ..
بس هالمره احس احساسي اتجاهها كله اتغير من مجرد كلمة .
اتغير كلياً ..

واحس نفسي محتار اتمنى تطلع خوش بنيه صدك وتستاهل شلعان الگلب والسفر يوميه مناك لهنا حتى مايخيب املي ولاينكسر كلبي اكثر ..
وبنفس الوكت احس عندي خوف خاف يطلع هالحجي صحيح وتطلع خوش بنيه وتستاهل واتعلق بيها اكثر من قبل ..
شجاي افكر انه ؟؟؟
من كل عقلي هذا تفكيري هسه ؟
وبعد كل اللي صار ؟!!!!

تنهدت بخوف من شفت بابهم ..
وصلت لبيتهم ..
دكيت الباب واحس نفسي عبالك مراهق كلبي يدك حيل كأنما واحد رايح يقابل حبيبته لاول مره ..
هاي وانه الجبير العاقل المضرب عن الزواج صار سنين ..
شجاني من كلمة رجعت افكر بيها ؟!!
آآخ يا علي حجايتك خربطت كياني ( مينا بت عزام صايره مره تخبل )

على اساس اني ماادري لو ماشايفها لو مااعرفها ..
مينا يا مينا ..
بس ياترى اذا اخطبج تقبلين بيه لو ماتكدرين تعوفين العراق ؟

هسه بالله اليشوفني مو يكول مخبل من جملة وحده حجزت واجيت مناك لهنا ؟!!
شنو جنت اريد حجه ؟
لا ياجملة وحده غير صارلهم سنين ماكلين راسي بموضوع الزواج ..
والكلمة مالها علاقة يافيصل لاتجذب على روحك .. انت من اول مره شفتها عجبتك وبعدين حبيتها والكلمة هاي مجرد حجة ..

.
.
.
مَدري ويّن تريد بية روحَي تاخِذني
عّلى دربَك وانة اعرُفك مَو الية ..
.
.
.