الجوزاء والفيصل

الجوزاء والفيصل ٤٥

#الجوزاء_و_الفيصل
#روز_الفياض
#ح٤٥
.
.
.
الكمّ الهائل من الإدراك مؤذي جدًا.
.
.
.
رجعت لعمان كالمعتاد راويه بالمطار واكفه ومبتسمه ابتسامة عريضه وتأشرلي بايدها مثل الجهال .

بالطريق للبيت .

راويه :
خوما اتغديت ؟

فيصل :
لا والله مااشتهي .

راويه :
زين ..
شرايك نروح نتغدا بمطعمنه المفضل ؟

فيصل :
لا ..
مااشتهي ..

راويه :
مو مامتغديه انتظرك

فيصل :
ليش ماتغديتي ؟

راويه :
ماما مسافره محد يطبخلي ههههه .

فيصل :
وين مسافره ؟

راويه :
راحت لبغداد ..

فيصل :
شعدها راحت لبغداد ؟

راويه :
مااعرف .. تكول بيت عمتها مدري خالتها هناك مريضه وتريد تروح تشوفها ..

فيصل :
وانت اقتنعتي ؟

راويه :
يعني اذا مااقتنعت احبسها يمي حتى ماتروح ؟

فيصل :
استغفر الله ..
هاي المره ماوراها غير بس المشاكل ..

بقت راويه ساكته ..

فيصل :
رايحه تشوفلها طريقه ،مصيبه ،قاتل مأجور ،اي شي
تكدر تاخذ بي الورث على اساس همه ميتين عليها ويطونها حصه ، والله غير مايتفلون عليها ماتحصل شي .

طبكت السياره على جهه :
شنو هالحجي ؟
فيصل شبيك ؟؟!!!

فيصل :
شنو ؟
شبيه ؟
جذبت ؟؟
لو تعرفين وتحرفين ؟
تعرفينها كلش زين هي وره كل المشاكل والمصايب الصارت وهسه راحت تكمل الخطه ..

راويه :
فيصل تره الي جاي تحجي عنها امي ..

فيصل :
اكو ام تتفق ويه اعداء بتها حتى ياخذون منها الورث ؟
اكو ام تدخل الحيوان ال ...

سكتت ..
ماكدرت اكمل خاف افقد اعصابي اكثر ..

راويه :
هي يمكن مو امي صدك ..
بس عالاقل جاي تحاول .

هنا صدك فقدت اعصابي :
ولج باذاني هاي الباجر ياكلها الدود سمعتها تحجي ويه عمتج النذله وتكلها تعاي اتغدي عدنه واحجي وياها وقنعيها ..
واجت عمتج ثاني يوم وحجت وياج ..
حجت وياج لو لاا ؟؟

بقت ساكته ..

فيصل :
تعرفينها وتعرفين على شنو ترسم بس مكيفه عدج ام من امداها ..
هاي مو ام ولا يمكن تصير ام ماتشوفين الله مارزقها بجهال من حقارتها ..

دمعت عيونها ودنكت ..
راويه :
الله مارزقني ولا راح يرزقني ..
يعني هم حقيره ؟

تنهدت وسكتت ..
بقينه واكفين يمكن ربع ساعة بعدين مشينه ..