الجوزاء والفيصل

الجوزاء والفيصل ٤٨

#الجوزاء_و_الفيصل
#روز_الفياض
#ح٤٨
.
.
.
عزِيز وَ هيچ لچمَاتك ، چا لٓو تَكرهنِي شتسوِي؟❤️‍🩹
.
.
.

اتصلت راويه :
ها شلون صارت مينا ؟

فيصل :
نايمة ..

راويه :
شقررتوا ؟

فيصل :
بشنو ؟

راويه :
الطفل ..
تبقوه لو ....؟

فيصل :
لو شنو ؟؟
ترديني اموته ؟!!!

راويه :
لا لا بالعكس اريدك تصبر وتتحمل حرام يموت ..
بس اعتقد بهيج حالات يخيرون الام اذا تريده او لا ..

فيصل :
يعني ماكو امل يصير زين ؟

راويه :
حسب مافهمت راسه اكبر من جسمه وعنده فتحه بالظهر ..

بقيت ساكت ..

راويه :
الو ..
فيصل ؟
الو ؟

جريت حسره :
ليش الله يسوي بيه هيج ؟
وين غلطت ؟
انه مو خوش انسان ؟
هذا الشي صار فوك طاقتي بعد .. مااكدر اتحمل اكثر ..

راويه :
ياريت كل الناس مثلك ..
بس انت الظاهر مو محظوظ ..

فيصل :
استغفر الله واتوب اليه ..

راويه :
لازم ترتاح شويه هذا الضغط مو زين عليك .

فيصل :
شرتاح ...
ماتكليلي شرتاح ..
الضغط هذا سببه الاول انت ..

بقت ساكته ..

فيصل :
انت السبب الاول

راويه :
مو بيدي ... لاتلومني .. اكو عندي خوف ..

فيصل :
مني ؟!!

راويه :
من كل الناس ..
ادري لوما اصراري عليك عالزواج ماتتزوج بس مااتوقعت راح اتأذى لهدرجة من هالموضوع ..
صحيح مااحجي بس الموضوع مدمرني ... صورتك انت ومينا وبينكم اطفال بس اغمض عيني اشوفها ..
واحس نفسي سبب لتدمير علاقتكم وعائلتكم ..
اكره نفسي بس المشكلة مثلما انت كلت انانيه ..  مااكدر اتخلى عنك لان احبك ..
ومااكدر اتخلى عن امنيتي بطفل .. اتمنى انسى هالموضوع بس ماجاي اكدر انساه .

فيصل :
يا صوره ياعائلة ؟!!! ههه وينها الصوره ماتكليلي ...
يتهيألج ..
انه ومينا ماتنشابه بأي شي ..
اكتشفت انه الشبه الوحيد بينه هو حبنه للقراءة والكتب ..
وهسه هم هذا الشبه راح بعد لاقرايه ولاكتابه بعد ..
كل الهوايات اندثرت ..

راويه :
علاقتنه راح تبقى ناقصه مهما حاولنه دائما راح اكون السبب بحرمانك من حقك بانه تكون اب ..

فيصل :
ياهو كايلج انه اريد اكون اب ؟!
تره انه عدي فوبيا من الجهال الف مره كتلج ..
بعدين شكد اكو ناس عايشين عمرهم كله سوه بدون جهال ..
راويه ..
كولي الحمدلله وضعنه احسن من غيرنه بالف مره .