الجوزاء والفيصل

الجوزاء والفيصل ٤٦

#الجوزاء_و_الفيصل
#روز_الفياض
#ح٤٦
.
.
.
يُساق المرء نحو قدره فأطمئنوا .
.
.
.
ضبطت مينا الشقه هي واهلها واخر يوم بتنه ( نمنا) بيها ..

فيصل :
اكلج قليل مينا ..
هذا الشي مو زين عليج وعالبطنج .

مينا :
تره جاي اكل الاخضر واليابس وينه قليل اكلي ههههه ماعبالك شهر من انام اخلي يم راسي صحن فاكهه خاف اجوع ..

فيصل :
اغلب اكلج مو صحي بس مجرد اكل بدون فايده ..

مينا :
كله نعمة الله ماكو شي مابي فايده .

فيصل :
كله سكريات بس وزنج راح يزيد اما فايده حقيقية ماكو .

مينا :
هسه عوفنه من الاكل الصحي ..
كلي شرايك بالشقه ..

فيصل :
حليوه ..

مينا :
اول مره احس بهالراحه .

فيصل :
ماجنتي مرتاحه هناك ؟

مينا :
يعني مقيده مو مثلما واحد ساكن وحده هناك لازم ابقى لابسه حجابي خاف الولد يجون .

فيصل :
زين .. المهم مرتاحه ..

مينا :
ارتاح صدك من تظل بالعراق ..
مو كل شهر اشوفك بس كم يوم .

فيصل :
قابل بطران لو عدي فلوس زايده لو احب التعب وشلعان الكلب تره هذا باب رزقي ..

مينا :
ادري باب رزقك بس ماجاي الحك اشبع منك عالاقل سويها عشر تيام ..

فيصل :
مااكدر ..
عندي شغل هواي هناك ماالحك وماكو احد يسد مكاني ..

مينا :
يعني هذا مو عدل هناك تبقى يمها تلث اسابيع ويمي اسبوع ..

فيصل :
محد كال هذا عدل بس هذا الشي عدج علم بي من الاول ووافقتي على هذا الوضع ..

مينا :
ادري يعني الى متى ؟

فيصل :
الى ان يفرجها رب العالمين .

وصلني مسج من راويه :
( حبيبي باجر بيش الساعة طيارتك ؟)

فيصل :
كالمعتاد ..

مينا :
يعني هسه هو اسبوع واحد وتخلصه مسجات وياها ؟؟

فيصل :
وينه ولج مخلصه مسجات وياها انه عدي مجال ارسل احد .

مينا :
جا هاي شنو ؟

فيصل :
تسألني شوكت اجي بيش الساعه طيارتي ..

مينا :
مستعجلة ..
لاحكتني على هالاسبوع ..

فيصل :
مثلما انت تشوفين روحج تحبيني وتشتاقيلي هي هم مرتي وتحبني وتشتاقلي .

مينا :
اي تحبك ..
لو تحبك صدك جان ماخلتك تتزوج عليها ..

فيصل :
يعني انت تحبيني اكثر ؟

مينا :
طبعا هذا شي اكيد

فيصل :
وشنو اليثبت ؟