الجوزاء والفيصل

الجوزاء والفيصل ٤

#الجوزاء_و_الفيصل
#روز_الفياض
#ح٤
.
.
.
اللهُمَّ شُعُور هَذِهِ الآيَة :
‏﴿فَرِحِينَ بِمَا آتَاهُمُ اللَّهُ مِنْ فَضْلِهِ﴾.
.
.
.
رجعنه للبيت وانه كلش مو على بعضي رعد يحجي وياي ماجاوبته بعدين كلي :
عمي ؟؟

باوعتله :
هممم ؟

رعد :
شو ماتحاجيني ؟

فيصل :
شحاجيك يعني ؟

رعد :
مو صار ساعة احجي واكلك شرايك بالبنية تره حبابة ست ميس .

فيصل :
ياهي ست ميس ؟

رعد :
هلووو !!!
ست ميس معلمة بارق جا احنه المن رحنه للمدرسة واتفشلنه !!!

فيصل :
اي

رعد :
شنو يعني اي ؟؟!!
عمي شبيك ؟
هههه

وكفت :
اكلك رعد ...
شتكول ...

رعد :
بشنو ؟

فيصل :
اذا اخطب مينا بت عزام تقبل ؟!!!

باوعلي رعد وفك حلكه متعجب :
خوماكو شي عمي ..
انت مو ماتريد تعرس ؟

فيصل :
اي صحيح

رعد :
مو رايحين احنه لست ميس نشوفها ؟

فيصل :
اي صحيح

رعد :
مو على اساس بنات عزام ماعجبنك ذاك اليوم ؟

فيصل :
اي صحيح

رعد :
جا شلون هسه تريد تخطب مينا ؟
فهمني بالله ؟؟؟

مشيت وعفته وراي :
عجبتني هاي البنية ..
هاي العجبتني ذاك اليوم .

رعد :
انت كلت ولاوحده عجبتني ..

فيصل :
اي ولك صحيح مو احنه من رحنه اكو وحده تكتل كاعده بالحديقة مالتهم فتحتلنه الباب بس بعد ماشفتها طلعت وحده ثانية جابت الجاي يمكن اختها وانوب اجن ذنيج خواتها ..
اي اختها اكيد ..
اي لان هسه من احسبهن صار اربعة ..
اي هي هاي من شفتها بالحديقة ماادري شصارلي ..

رعد :
يعني نكول مبروك ؟

فيصل :
الله يبارك بيك بس بالاول خل تقبل عود ..

رجعنه للبيت سولفنه لام رعد باوعتلي صفح :
بس تره مينا مو بنية عادية .

فيصل :
شلون يعني مو بنية عادية ؟
يعني عدها جناحات مثلا لو بالليل تتحول الى حورية ههههه .

ام رعد :
يعني قصدي بنية شاطره جاي تدرس مااظن تقبل .

فيصل :
شتدرس مو تداوم بالمدرسة ؟؟

ام رعد :
اي بس هم تدرس امها تكول رجعت تدرس هذا مدري شيسمونه كوافير مدري شسمه ..

رعد :
كوافير شنو بعد ؟
قصدج تريد تصير حلاقه ؟

فيصل :
هاي بعد تحتاج دراسة ؟؟؟
من شوكت الحلاقات يدرسن !!!.
شو بس عدكم هاي !!!
عمي طلعتوا متطورين واحنه المتخلفين ..