الجوزاء والفيصل

الجوزاء والفيصل٤٩

#الجوزاء_و_الفيصل
#روز_الفياض
#ح٤٩
.
.
.
‏-ندعّي النسيان و تهزمنا مشاعر قديمة .
.
.
.

سافرت للسويد ..
استقبلوني علي ونبأ وراويه والجهال كلش فرحانين بيه .
بقيت اول اسبوع عدهم بعدين رحت اجرت شقه قريبه عليهم حتى شوكت مااريد اكدر اشوف راويه الزغيرونه ..

نبأ :
ها شلونها راويه ؟

فيصل :
كلش حلوه ، عبالك تعرفني ..
ماشاءالله كبرانه ..

نبأ :
هههه بعد غير انت مسميها ..
وراويتنه الجبيره شلونها ؟

هزيت راسي وكتلها بهدوء :
زينه ..

نبأ :
ومينا ؟

فيصل :
مينا ..... غلطه وصلحناها ..

نبأ :
اكيد ؟
خوما ضايج ؟

فيصل :
لااا ههههه لا ابد ..
مو اكلج غلطه وصلحناها .
راسي برد من صفحه وحده عالاقل ..
ماادري هاي الزلم شلون تتزوج تلاثه واربعه !!!

نبأ :
كل شي قسمه ونصيب .

فيصل :
لا ..
الانسان هو اختياراته غلط القسمه والنصيب مالها علاقه ..
يكولون عيون اليحب عميه ..

نبأ :
حشاك .. بس انت طيب ..

فيصل :
يعني الانسان اذا يصير يطيب لازم يطيح حظه ؟!

نبأ :
محشوم ..
بس اكو ناس تستغل الطيب ..

فيصل :
وهي فعلا حاولت تستغلني ..
كلتلك هذا خليني اوافق عليه وبعدين اقنعه يغير كل شي علمودي ..

نبأ :
بعد قسمة وانتهت ..
عندك راويه ولو احنه ماشايفيها بس بصراحة ابو رعد وام رعد وحتى علي من راح للعراق كلهم يمدحون بيها ..

فيصل :
اي .. حبابه ..
خوش بنيه ..

خلصت ايامي كلها يم راويه الزغيرونه ..
يوميه اروح بالليل اشوفها والعب وياها ..

مر الاسبوع الثاني بس انه مامرتاح خايف خاف هاي انيسه تقشمر راويه ..
ومااريد اراسلها ولا اريد اتصل عليها .

اتصلت على ابو مرتضى مايرد بس كل مره يرد بمسج ( ابو غازي كلش مشغول سامحنه مانريد عليك بس الشغل تمام لاتشيل هم )

وره الاسبوع الثاني كاعدين انه وعلي نشرب كهوه فسألني :
هم تخابر راويه ؟

فيصل :
لاء

علي :
ولشوكت ؟

فيصل :
الى ان تعقل ..