الجوزاء والفيصل

الجوزاء والفيصل ٤١

#الجوزاء_و_الفيصل
#روز_الفياض
#ح٤١
.
.
.
"تحملين كل هذا الجمال، ‏ألا تتعبين؟ "
.
.
.
بقينه انه ومينا تلث تيام ابغداد ورجعنه مثلما رحنه ..
ماكدرت انسى السوته ..
وهي هم جانت هادئة ومتقبله الوضع لاعتب ولالوم ولا اي رد فعل سكتت ..

وصلنه لبيت كريم لكيناهم مرتبين الغرفة كاملة وماناقصها شي .

فيصل :
انه راح اروح احجز حتى اسافر ..

جانت تعلك ملابسها التفتت علي :
بهالسرعة ؟
تعوفني بعد تلث تيام بس ؟

فيصل :
مو بكيفي ... الظروف كلها ضدج .

مينا :
الظروف لو ..؟

فيصل :
لو شنو ؟

تنهدت وردت بهدوء ورجعت دارت وجهها :
خلص براحتك ..

عفتها ونزلت ..
رحت حجزت على ثاني يوم الظهر طيارتي ..

بالليل انه كاعد جوه يم كريم وام رعد ونزلت هي كعدت يمنه ..

ام رعد :
عين بارده ان شاءالله ..
هذا اللون واج ( مشتعل ) عليج ..

ابتسمت بخجل :
شكرا خاله .

ام رعد :
والله ..
على امجن طالعات حلوات ..

باوعتلي وبقت ساكته ..

فيصل :
كل حلو بي لوله ..

اتفاجأت من حجيي بس ماردت كريم رد :
بعدكم بسم الله شبسرعه .

ماردت احجي شي يحرجها كدام كريم وام رعد :
انه مقصدتها ..
انه احجي بالعموم .

كريم :
هاا ..

ام رعد :
لا خوش بنيه
خوش بنيه لا بالعموم ولا بالخصوص ..
بس انت لاتصير كلش وتدور دفاتر عتك .

فيصل :
هههههههه ام رعد انت ماكو مثلج ..

ام رعد :
غير مربيتك وحافظتك ..

فيصل :
هههههه اي والله حافظتني ..

بالليل شفتها راحت للمطبخ سوت العشا وبعدين صبته وكعدت بصفي ..

ام رعد :
هاي شسمها الاكله ؟

مينا :
لازانيا خاله .

ام رعد :
شني انوب هاي ؟

ضحكت :
ام رعد انت ماملحكه عليها هاي الاكلة هههههه .

سعد :
امي اهم شي عدها بالسفر البيتنجان والبتيته والطماطه ماتستغني عنهن لو شيصير ..

ام رعد :
يااا ولك مو اسويلكم اشكال والوان

سعد :
اي يمه بس حدثي ، بعدج عالنظام القديم والاكلات القديمه ..
سوي بيتزا سوي فطاير .

ام رعد :
اي اتعلمتوا على اكل المطاعم مايعجبكم اكل البيت بعد .

مينا :
انه اسويلك بعد ..
من تشتهي شغله كلي وانه اسويلك .