الجوزاء والفيصل

الجوزاء والفيصل ٣٦

#الجوزاء_و_الفيصل
#روز_الفياض
#ح٣٦
.
.
.
كنت أعرف أنني إذا بكيت سيكون أعترافًا صريحًا بأنّ الأمر قد نالَ مني .
.
.
.
راويه :
فيصل انه مااحب احد ياخذني على كد عقلي ..
احجي صدك ..
فكر بالموضوع ..

فيصل :
شفكر شبيج ؟
اتخبلتي انت ؟
شنو فكر بالموضوع ؟
انت عبالج الموضوع بهالبساطه ؟
عبالج بهالسهولة ، افكر وااتزوج !!

راويه :
شنو الصعوبة البيها ..
مو احنه اتزوجنه هيج ؟

صرخت عليها :
لا مو هيج ..
مو هيج ..

سكتت ..

فيصل :
تردين جهال ؟؟

ماحجت .

فيصل :
جاوبيني ...
تردين جهال ؟؟

رجعت بجت ..

فيصل :
لاحول ولاقوة الا بالله ...
انه كتلج قبل اكو مستشفى عدنه بالسويد تسوي ..

قاطعتني :
ادري ...
اعرف ...
راسلتهم ...

فيصل :
شوكت ؟؟؟
شوكت راسلتيهم ؟

راويه :
راسلتهم وخلص ..

مسحت وجهي بايديه وكعدت :
وشكلولج ؟

راويه :
ماتفيد ..

فيصل :
شنو هي الماتفيد ؟
ليش ماتفيد ؟

راويه :
هواي اسباب اولها العملية مو مضمونه مية بالميه ..
ولا بسهولة تحصل رحم لان لازم متبرعه ..
ولازم ياخذون الرحم منها بعدما تموت .. لان بهالحالة تكون نسبة نجاح العملية اعلى ..
وبكل الحالات نسبة تقبل الجسم للرحم ماتتجاوز الخمسين بالمية ..
والرحم المزروع يبقى حمل واحد بس وماكو ضمان الحمل يكمل ..

بجت حيل ودارت علي :
مااكدر اتحمل بعد كل هذا التعب والامل والصبر ومايكمل ...
اموت ...

كمت حضنتها :
الله كريم ..
نروح لغير دولة ..
نروح لامريكا هم عدهم هاي العملية موجوده .
الله كريم ..
بعد وكت على هالحجي

دفعتني ووخرت :
مااروح لاي مكان ..
مااريد اصير حقل تجارب ..
مااريد اعيش على امل كاذب .

فيصل :
ميخالف ..
سافري هسه ارتاحي وبعدين من ترجعين نكعد نحجي ونقرر ..
لاتفكرين من هسه وتشغلين نفسج ..

راويه :
الله يخليك كافي تسكتني ..
انه جنت حاسه نفسي اختنك ..
اريد احجي حتى ارتاح ..

فيصل :
مااسكتج بس مااريد نحجي بأمور تسببلنه ضيكت خلك ..

راويه :
هو ماكو غير حل واحد ..
تتزوج ..