#الجوزاء_و_الفيصل
#روز_الفياض
#ح٢٤
.
.
.
" تَظاهرتُ بِأننَيّ لَمْ أشعُر بِشيءٍ وأنَّ جَميّعْ
الكَلِمات لَمْ تَثقُبْ قَلبيّ ، لَكِنها فَتّتهُ ."
.
.
.
رحت حجزت على ثاني يوم الظهر طيارتنه ورجعت ..
دخلت ماكو احد بالهول رحت للغرفه اشوفها جهزت جنطتها لكيت اربع جنط !!!
فيصل :
شني هاي ؟
شايله ؟
راويه ..
راويه ...
صحت عليها عبالي بالحمام ماكو جواب .
طلعت التليفون واتصلت عليها :
انت وين ؟
راويه :
جايه ..
وره ربع ساعة دخلت شايلتلها يمكن عشر علاليك !!!
فيصل :
شني هاي ؟
راويه :
شوية شغلات وهدايا ..
فيصل :
هدايا المن ؟
راويه :
لكريم وزوجته واطفالهم ..
ولو مااعرف شكد عدهم اطفال بس جبت شغلات عاديه تفيد الكبار والصغار ..
فكيت حلكي ماادري شحجي لان صدمتني بحجيها كريم وجهاله .!!!
طكيتها ضحكه قويه ضحكت من كل كلبي :
ههههههههههههههه
هههههههههههههه
هههههههههههههه
هههههههه
راويه :
شبيك ؟
ليش تضحك ؟
كلت شي غلط ؟
فيصل :
هههههههههههههه اخ ياربي ..
ضحك خير وشرنه على محروك اللشه ذاك ..
ههههههه والله انت مدري ..
راويه :
شنو سبب الضحك بلا زحمه ؟
فيصل :
السبب هو كريم ..
كريم اخوي اكبر من ابوج .
يعني كولي عمي كريم احسن مو كريم حاف زحمه ..
ومرته ام رعد الرايحين نشوفها مره جبيره اكبر من امج ..
راويه :
وشنو يعني هسه شكلت ؟
فيصل :
وجهااااله ..
يعني رعد مثلا شاب متزوج وهسه اكيد مرته جابت ..
سكتت شويه بعدين كالت :
عادي وشنو يعني ..
جبتلهم عطور لان بصراحة العطور كلها تستخدمها كبار وصغار ..
فيصل :
المشكلة انه هم جبتلهم عطور ..
راويه :
صدك ؟
شوكت ؟
فيصل :
قبل يومين .
راويه :
وين خليتها ؟
فيصل :
علاليك ورقيه ملونه يم الكنتور ..
خلت ايدها على حلكها ..
فيصل :
شسويتي ؟
راويه :
عبالي الي ..
