الجوزاء والفيصل

الجوزاء والفيصل ٣٧

#الجوزاء_و_الفيصل
#روز_الفياض
#ح٣٧
.
.
.
وكيف حالك الآن؟
أنا مُنقسم تماماً ، جزء يقاوم وجزء ينهار ، جزء يحن و جزء يصد ، جزء ينتظر و جزء لا يُبالي .
.
.
.
اتعاركنه انه وراويه بسبب اتصالها بكريم .. وبسبب علاقتها بمرت ابوها .
سديت التليفون بوجهها ..

طبيت اسبح حتى شويه ارتاح دك التليفون ( كريم ) :
اكلك شصاير ؟

فيصل :
بشنو ؟
توني طبيت للحمام لا كضيت الصابونه ولا ليفت بالليفه ياهو المشتكي علي بعد بطل الشامبو ههههه

كريم :
كلوا راسي عمام مرتك يومية مطلعيلهم سالفه شني ذوله مايستحون ؟
ماينتخون ؟

فيصل :
ياستار يارب ..
خير بس لا علمود عمها اللوكي الاجه مساع ؟

كريم :
ابو سنان مدري ابو صنان هو هذا ..

فيصل :
هههههههههه صدك ابو صنان هههههه ..

كريم :
شصار بينكم انت وياه ؟
شو يكول متجاوز عليه ؟

فيصل :
يعني يجي لبيتي ويهيني ويريدني اسكتله ؟؟
يجي يهددني حتى اطيهم حلال مرتي ويريدني اسكت ؟
والله عالم هاي لاحيا ولا مستحه !!!
جاي عينك عينك يكلي رجع فلوس اخونه النه شكله يعني ؟
يردون يبوكونها عينك عينك ..

كريم :
مايستحون شتسويلهم يعني ؟

فيصل :
وانه مامسويلهم شي ..
هم يجون برجليهم ويظلون يهوبزون خوما اسكتلهم !!!
والله ادوس ابطنهم وانعل ابو الينشدلهم ..
شني هالخ...ه هذوله ..
انه صوجي ..
صوجي ارحب بيهم المفروض بس يجون اخبر الشرطة ..

كريم :
اذا يجي احد منهم خابرني ..
خابرني وانه اخابر لشيخهم جا انت مو تسكت وانه ماادري شصاير من يخابروني ..
يومية جايين بطلابه ..

فيصل :
هاي شيفضها ؟!!
شيخلصها ؟
شيخلصني منهم هذول ؟؟
انه ماشايف هيج بشر عدها خلك للمشاكل والطلايب ..

كريم :
مثلما كتلك اذا تعرضولك خابرني وانه اكل لشيخهم لازم يصير عده علم مو تسكت وتخلي الحك يصير علينه .

فيصل :
انه ماشايف هيج ..
يعني تتعارك ويه واحد بعمان يوديلك كوامه بالعراق !!!!
شني هذا ؟
موديل جديد ؟

كريم :
همه لو صدك يردون مالت الله جا كالوا خل ندير بالنه على بت اخونه حتى تخلي فلوسها عدنه ..
بس همه يردون مالت ابن ادم وابن ادم العن من ابليس ..

فيصل :
صدك العن من ابليس ..
كبل من جنت زغير اقرا انه الشيطان هو اللي يحرض الانسان عالغلط واسأل روحي زين الشيطان منو يحرضه ؟
بعدين اتذكر قريت آيه بسورة يوسف اتذكر بسم الله الرحمن الرحيم ( ان النفس لامارة بالسوء الا مارحم ربي ) النفس امارة بالسوء وشلون سوء ..