الجوزاء والفيصل

الجوزاء والفيصل ١٥

#الجوزاء_والفيصل
#روز_الفياض
#ح١٥
.
.
.
-ڪيف لَك أنّ تقُوم بِخراب رُوح إنسان ثم تعتذر💔
.
.
.
خلص عزام تليفونه وباوعلي وضحك على كيف :
فاجأتني ههه ..

صفنت بوجهه !!!
شلون فاجأته ؟
مو مينا كايلتله ؟

مافهمت شيقصد فسكتت ..

عزام :
انه اعزك واحترمك لان انت خوش رجال بس انت تعرف هاي الامور مالها علاقه بالمعزه والاحترام والمعرفه والقرابه ..
هاي الامور بيها قبول وعدم قبول ، بيها رضا وبيها رفض ..
وانه ولايوم جبرت بناتي على شي .
كله باختيارهن انه علي انصحهن لان ماعدهن خبره وهن يقررن حتى يتحملن مسؤولية قرارهن .
حتى مو باجر يجن يكولن بابا انت السبب انت اختاريت هذا الشي واختيارك دمرنه او اذانه ..
انه مااكدر اتحمل منهن نظرة لوم وعتب ..
ولا اكدر اتحمل دموع وحده بيهن وبالخصوص مينا ..
لان مينا كلش حساسه .

فيصل :
كلامك صحيح ، وانه اعرف كبل لاتكوله انه هذا الشجعني وخلاني اجيك بنفسي واحجي وياك وجها لوجه بدون واسطه .

عزام :
احنه اتعودنه تجي النسوان بالبداية تحجي وتشوف اذا اكو قبول ورضا من اهل البنية وعلى هذا الاساس يتم ترتيب باقي الامور .
بس انت مو غريب واختاريت انت بنفسك تجي وتحجي بدون هالامور والشكليات ولهذا اريد اكلك واحذرك من هسه حتى باجر ماتزعل مني وتشيل خشمك علينه اذا مينا ماقبلت ههههه يعني هي بالنهاية قسمه ومثلما كتلك بيها قبول وبيها عدم قبول ، وانه مااكدر اجبرها اذا ماموافقه ، مو تزعل بعدين ...

ضحكت جذب وانه مستغرب من حجيه هي مو كالت ابوها يدري وعده خبر وموافق علي ؟؟
انه جنت حاسب حسابي من اجي على اساس اعتذر منه عالصار قبل يومين ، شو هسه جنه مايدري بأي شي ؟؟
شصاير ؟؟

يالله ..
المهم انه ادري بيها موافقه وقابله وراضيه بوضعي بس عزام مايدري الظاهر .

فيصل :
ماكو كل مشكلة ، هذا حقكم وحقها والله لايجيب زعل ان شاءالله ومثلما كلت هي قسمه ونصيب .

عزام :
بس اذا قبلت احب اكلك من هسه حتى انت هم تفكر زين ، مينا كلللش حساسة وكلش عدها كبرياء وكرامه حتى ويانه بالبيت ..
وكللش تهتم للكلمة والموقف حتى لو مو حقيقي المهم عدها الانسان يسجل موقف .
وكللش طيبه بس عصبية مرات وبدون سبب بس بسرعة تنسى وتتندم .
وكتومه وعدها وفاء لدرجة عدها نفس الصديقات من جانت طفله ولحد الان لازم تتواصل وياهن بكل مناسبة وتعرف اخبارهن وتزورهن وتسأل عليهن .
تحب تساعد الناس تعرفهم او ماتعرفهم هي عدها انسانية وضمير .
عيبها هو العصبيه والتسرع والعناد .

فيصل :
انت اول ابو يكول بتي بيها عيب ههههه العاده الاهل يكولون بناتنه مابيهن كل عيب واهل الولد هم نفس الشي ههههه .

عزام :
انت جنت واضح وانه لازم اكون واضح وياك لان مااريدك باجر تتندم لان ارتبطت بانسانه ماتشبهك وتكول عزام غشني انت عزيز علي مااريد اخسرك بهالطريقه ..