الجوزاء والفيصل

الجوزاء والفيصل ٢٩

#الجوزاء_و_الفيصل
#روز_الفياض
#ح٢٩
.
.
.
مُستظلون نحن بألطاف الله التي تُدركنا ولا نُدركها.
.
.
.
داومت بالشركة والكل يباركلي ويتحمدلي السلامة عبالهم جنت رايح شهر عسل يكلولي ليش مارحت دبي او لبنان او مصر ليش للعراق ..

مر كم يوم ماشفت راويه لان ارجع للبيت الشقه فارغه واغلب الاحيان الخدامة هي تجيبلي الغدا لو العشا ماانزل اكول هيج احسن حتى نبقى ضمن الاتفاق .

اجه المحامي ورحت وياه حتى يسويلي الوكاله .
جنت مستاء لان هاي مسؤوليه ثانية وانه اضوج من كثرة المسؤوليات .

طولت الاجراءات وعلى ماخلصت كتلني الجوع ..
بس خلصنه وصلت المحامي لسيارته واتشكرت منه ورحت لاقرب مطعم عراقي ..

دخلت طكتني البروده مال التكييف وحاطين اغنية ناظم الغزالي ( فوك النه خل ) ..

اختاريتلي مكان بآخر المطعم وكعدت اكلب بالمنيو ..

اختاريت دولمة وشوية مقبلات ..
طلعت تليفوني لكيت هذا الولد ابو الحب مراسلني :
السلام عليكم
شلونك عمو انه وليد الولد الكعدت يمي ابيع حب وشامية ، كتلي اتواصل وياك .

كتبتله :
هو وليد شلونك ؟
شلون صار ابوك ؟

رأسا جاوبني :
الحمدلله عمو زينين .

فيصل :
اكلك وليد ..
ابوك شنو عده بالضبط ؟

وليد :
ابوي جان عسكري واتصوب انفجرت عليه عبوه وانتبرت رجليه .

فيصل :
لاحول ولاقوة الا بالله .
وهسه شلونه ؟

وليد :
والله تعبان ، مامتحمل وضعه ولا متحمل كعدت البيت .

فيصل :
الله يعينه ، صعبه حقه .

وليد :
مابيدنه شي عمو هذا امر الله

فيصل :
ونعم بالله .
عفيه عليك هيج اريدك .
بس انه اريد منك شغله .

وليد :
شنو عمو ؟

فيصل :
اريدك تسأل عالكرسي الكهربائي شكد سعره وتكلي ، ماشي ؟

وليد :
ماشي

فيصل :
واذا تحتاج شي خابرني ..
تمام ؟

وليد :
تمام ..

سديت التليفون وسمعت صوت بنيه يشبه صوت راويه !!

باوعت عالطاولات اليمي ماكو ..

الطاولة الجنت كاعد عليها قريبه عالدرج لان اكو قاعة ثانية للعوائل بالمطعم ..
شوية ورجعت سمعت صوت راويه !!!

رفعت راسي شفتها نزلت من الدرج ووياها بنيه وولد .
ماشافتني ..

دكيت عليها :
هلو

راويه :
هلو

فيصل :
انت وين ؟

راويه :
طالعه ليش ؟