الجوزاء والفيصل

الجوزاء والفيصل ٢٨

#الجوزاء_و_الفيصل
#روز_الفياض
#ح٢٨
.
.
.
لا تبوح بڪل مـا يؤلمك الڪتمان ڪرامـة .
.
.
.
صفني كريم من كلي راح سأل عن راويه واهلها عد جبيرهم .

فيصل :
وين ؟
شوداك على جبيرهم ؟
وين عرفته ؟
وين طحت بي ؟
وشعدك رايحله اصلا ؟

كريم :
جا شلون غير نسأل على نسابانه غير نعرف اصلهم فصلهم سمعتهم ..

خفت اسأله شكله جبيرهم ..

بقيت ساكت وخايف ..

كريم :
عرفهم والله ، كال جانت ماخذين بت عمي ..
ابوها ابن عم ابوي ..

ماحجيت ..

كريم :
بس كلي هي هاي البنيه الصارلها حادث وهي زغيره وخذوها للخارج بعدين ؟
كتله ماادري ..

عيني عالباب خاف راويه تجي خفت تدخل وتسمع كريم وتحجي شي ..

كريم :
كال خوش ناس ، بس بيناتهم خلافات ..الاخوان ..
يقصد ابوها وعمامها .

بلعت ريكي لحد الان ماكو شي واكيد هو جبيرهم مايدري بالتفاصيل ..

فيصل :
ماادري ..
ماعدي شغل ويه عمامها .

كريم :
بس حادث مال شنو صايرلها ؟ يكول طايحه مدري شني ومتعوره ..
بس مو هسه لا وهي جاهل ( طفله ) .

تنتهدت براحه :
طايحه من السياج .

كريم :
لا .. اي الجهال مايتأمنون بحدهم .

دك تليفون كريم :
هاي ايمان ..
ها ام قصي شلونج ؟

اسمعها كتله :
ابو رعد خويه شلونك .

كريم :
هلا
هلا بام قصي ..
شلونكم شخباركم ؟

ايمان :
شلونه بعد ؟
هذا الولد راح يخبلني مايقبل يرجع للبيت ولايفيد وياه حجي ولا يفيد وياه نصح شلون بالله شسوي ؟

كريم :
كله منج ..
انت ماكتيلنه الصدك من البداية حتى نعرف نتصرف ولاهو يمنه حتى نحجي وياه ..
مابيدنه شي هسه بعد ..

ايمان :
يعني شلون ؟
اخليه يروح مني ؟
اخليه يتزوج هاي السعلوه ويرجع للعراق ؟
لو اخليه يروح لابوه ؟

كريم :
خلي ابوه يحجي وياه ؟

ايمان :
فاروق ؟!!
هو منو مطيح حظه غير فاروق ..
هو فاروق هم حاسبينه اب ؟؟

كريم :
جا شلون ؟
شنسويله يعني ؟
كليلي شتردين يعني ؟
احنه بعيدين مو يمه حتى نحجي وياه ويخاف من عدنه احنه بآخر الدنيا .
انت من البدايه تصرفاتج وياه غلط ..
كل تصرفاتج وياه غلط بغلط ..
هسه بعد مابيدنه شي .

ايمان :
يعني شنو كفرت خوما كفرت ..
يعني المن محسوبين علي اخوان وانتو ماتساعدوني بأي شي .

كريم :
نساعدج شلون ؟
غير تكلليلنه شلون ؟
قابل نطير ونجي ؟
غير تفهمينه شلون نساعدج ؟
جا انت لو ماتحجين لو من تحجين تذبين الصوج بينه ؟