الجوزاء والفيصل

الجوزاء والفيصل ٤٧

#الجوزاء_و_الفيصل
#روز_الفياض
#ح٤٧
.
.
.
البگلبةه حَچي وينام مَكسور مَن يگعد يصير أنسَان ثاني .
.
.
.
اتصلت على مينا ماردت ..
ردت اكللها باجر راجع بس ماردت ..
ثاني يوم الصبح كعدت هم فتحت التليفون مامتصله ولا موديه مسج ..

جهزت جنطتي ورجعت لعمان .
وصلت للبيت دكيت الباب طلعت لين سألتها على راويه كالت بالمستشفى هي ومرت ابوها .

اخذت السياره وطلعت كبل للمستشفى ..
وصلت سألت عليها وصلتني الممرضه لغرفتها ..
دكيت الباب سمعت صوت انيسه :
اتفضلي ..

فيصل :
السلام عليكم ..

من ملامحها اتفاجأت بيه راويه بس انيسه عكرت وجهها ..

راويه :
فيصل !!
شمدريك ؟
شوكت رجعت ؟

فيصل :
هسه ..
شلونج ؟

انيسه بدون لاسلام ولاكلام طلعت من الغرفه ..

فيصل :
دفعة مردي ..

راويه :
شنو يعني ؟

فيصل :
سلامتج ..
ممكن افهم شنو الموضوع ؟

مدت ايدها تريد ايدي ..

فيصل :
فهميني ...
انه مشتعل ابو ابوي هسه ..
احجي شصاير ؟؟

راويه :
زين عالاقل اكعد ..

كعدت وانه اتأفف ..

مشتاقتلك كلش هواي ... كالت ودمعت ..

فيصل :
انه بعد مااشتاق لاحد ..
لا الج ولا لذيج .. ثنينجن طلعتن ماتستاهلن ..

بجت بدون صوت ..

فيصل :
ورم شنو عندج ؟

مسحت دموعها ودنكت :
عندي ورم بصدري ..

خفت ...
بس ماكدرت احجي ..

راويه :
هو على الاغلب حميد حسب كلام الدكتور بس بعد لازم اشيله حتى نتأكد .

فيصل :
وليش ماكتيلي ؟
ليش انه ماادري ..؟؟

راويه :
ماردت اخوفك ..
يعني اعرف بيك راح تخاف وتشيل همي اكثر مما انت شايله قبل ..

فيصل :
والله ماادري شكلج !!!!
يعني انه رجلج واخر من يعلم تخابرني انيسه خسيسه والله مو انيسه لان مخابرتني حتى تغلط وتفشر علي بحجة مرتك ماتدري بيها مو ميته عليج ولا علي ..
وتكليلي مااريدك تشيل همي ؟؟
ياهم منهن ؟
ياهم الخايفه علي منه ؟
شمعنه هسه ماردتيني اشيل هم ؟؟

راويه :
ماكتلها تتصل بيك هي من نفسها اتصلت ..

فيصل :
اي اكيد من نفسها ..
تعلميني بيها ؟!!!
اعرفها انه واعرف خستها..
بس انت شوكت تعرفين ؟؟
شوكت ترجعين لعقلج ؟
شوكت تجوزين منها ؟؟
ماادري ..

راويه :
انه من حقي اصير ام ..

فيصل :
يعني اذا الله ماكاتبلج شنسوي ؟؟؟
فهميني ؟؟؟
اذا انت تردين جهال الج انت المن خليتيني اتزوج ؟؟؟
المن كتيلي اذا انت سعيد انه سعيده ..؟
المصيبة هسه لاانت سعيده ولا انه سعيد ولاهي سعيده ...