الجوزاء والفيصل

الجوزاء والفيصل ١٠

#الجوزاء_و_الفيصل
#روز_الفياض
#ح١٠

.
.
.

التهيت وانشغلت بين الشغل والدراسة ماجنت الحك اشوف احد ..

مينا :
سمعت واكع ومتأذية رجلك .

فيصل :
اخبارج قديمة .

مينا :
ليش ماكلت ؟

فيصل :
وليش اكول عود يعني شوفيني مريض ههههه لا ياعمي كله فصخ زحمه اكلج وانت جان عدج كسور مو كسر واحد .

مينا :
ماتشوف شر .

فيصل :
هسه شجاوب ؟

مينا :
شنو ؟

فيصل :
اخربط مرات انسى الجواب .

مينا :
جواب شنو ؟

فيصل :
مره صاحبي جده مات ورحت اعزيه عود ردت اكله البقية بحياتك كتله كل عام وانت بخير هههههههههه .

مينا :
هههههههههههه
صدك تحجي ؟

فيصل :
بالله العظيم .
ومره بنية جانت وياي بالشغل جنت اشتغل بمحل ووياي بنية فصادف شهر رمضان اول يوم برمضان من شافتني كلتلي مبارك عليك الشهر ..

مينا :
وشجاوبتها ؟

فيصل :
شجاوبتها برأيج ههههه كتلها الله يبارك بيج ههههههههه .

مينا :
ههههههه تره عادي انه هم اخربط مرات وخصوصا من نروح نعزي احد من الارتباك تصير يعني .

فيصل :
اي تصير بس الضحكة بلحظتها شيكضها ههههههههه .

مينا :
ههههههه مره جان عيد ميلاد بنية صديقتي وردت اكللها كل عام وانت بخير كتلها عيدج مبارك هههههه

فيصل :
ههههههههههه يلا هو هم عيد يعني .

مينا :
والخبله هي جاوبتني ايامج سعيدة هههههههههه .

فيصل :
هههههههههههههه .

مينا :
هههههه ، تتذكر من شفتني بالمدرسة ؟
هاي عاد جانت اقوى جفصه .

فيصل :
انه وياج مامجفص .

مينا :
لا خطيه ..
وسالفة الدبه حميسه ؟

فيصل :
هااا هههههههه جا هذا الصدك بعد غير اريد اعرف
انت ياهو دبه حميسه غيرها ههههه .

مينا :
بقيت يومين كلما اتذكرك اضحك ..

فيصل :
شدعوه انت ماجفصتي ، شحال لوما اول ماشفتيني طبكتي الباب بوجهي ، وكتيلي عمو !!!
اكثر من هيج جفصه شنو ؟

مينا :
تره جنت بدون حجاب عبالي خالة ام رعد وحدها شمدريني انت وياها بس فتحت الباب صرت بوجهي ،

فيصل :
اممم ..
والعمو ؟

مينا :
ماشفتك عدل عبالي عمو ابو رعد وياها ..