الجوزاء والفيصل

الجوزاء والفيصل ٣٣

#الجوزاء_و_الفيصل
#روز_الفياض
#ح٣٣
.
.
.
لا مَثيل لِي ولَو بَحَثْتَ فَوْقَ الدَّهْرِ دَهْراً
.
.
.

حذفت رقم مينا من التليفون وحدفت المحادثة الصارت بينه آخر مره ..
هي مره متزوجة وانه رجال متزوج هسه ..
.
.
.

بعد مرور شهر ..
.
.

دكت الساعة ( المنبه ) الساعة بثمانية الصبح ..

فيصل :
ياالله ياكريم يارحيم ..

باوعت على راويه بسابع نومه .

فيصل :
راويه ..
راويه ..

راويه :
همم ..

فيصل :
يلا كعدي ..

راويه :
ماا ..

ضحكت ودنكت عليها :
ماا شنو هاي هههه ، كعدي وراج دوام ..

راويه :
ماعندي شغل الصبح اليوم اروح براحتي ..

فيصل :
هلوو ..
يعني بس انه كاعد من الصباحيات ..
زين كعدي دلعيني واتريكي وياي ..

راويه :
مااشتهي ..

دنكت بست خدها ..
ماكعدت رجعت بست خدها الثاني ، ساكته ..

فيصل :
كعدي اتريكي لازم الانسان يتريك الصبح اهم وجبه ..

راويه :
مااشتهي ..

رجعت بستها ..

راويه :
ليش ماتخليني انام ؟

فيصل :
اكو دراسة تكول كثرة البوس تفتح الشهية للاكل .

ضحكت وفتحت عيونها :
هههه منو مسويها هالدراسة ؟
انت ؟

فيصل :
لا وداعت جدي بجاي ..
احجي صدك تره ..

رجعت بستها ضحكت :
اوكي ..
اوكي ..
خلص راح اكوم اتريك ..

فيصل :
شفتي شلون ..
الدراسة صحيحه يعني انفتحت شهيتج للاكل لو لا ؟

راويه :
ههههههههه
دراسة مسويها واحد ضاربه جفاف ههههه .

فيصل :
الله وكيلج كلها عدها جفاف حتى المعرسين بس انه ..

حضنتها :
بروح جدج خربان هم شايفه واحد مثلي مدلل مرته ويكعدها للريوك ؟

راويه :
ههههه غير الريوك انه مسويته ..

فيصل :
لازم نصير مثل الاجانب كل شي عدهم مشاركة مايصير كله عالمره ..

راويه :
معقولة اكو عراقي بمبدأ المشاركة بين الرجل والمرأة بالبيت ؟
مااصدك ..

فيصل :
انه ..
ليش متعجبه ..
على اساس شكد تعرفين عراقيين ههههههه .
جربيني وشوفي ..
انت طبخي وانه اكل .
انت رتبي وانه ازعبل ..

باوعتلي :
اطبخ وانت تاكل ؟؟
لو تسمع مراد شلون مداريها زوجته ..
يسوي العشا يوميه ويطلع يتسوك للبيت ويدرس واحد من اولاده وهي واحد وبأيام العطل هو يكعد مع اولاده وهي تطلع للصالون مع صديقاتها وتروح تشرب اركيله ..