الجوزاء والفيصل

الجوزاء والفيصل ٩

#الجوزاء_و_الفيصل
#روز_الفياض
#ح٩
.
.
.
‏وأخافُ أن يتأمَّل أحدهم ملامحك بطريقتي ..
.
.
.
استمر الوضع مثلما هو ادرس الصبح واروح للشغل بعد الظهر ومرات الحك امر اشوف علي .
بعدما اتصالحت ويه ايمان مارحتلها ولا مره لان اصلا ماعدي وكت .
قصي مرات يجيني حتى يدرسني على كولته .

ظافر ( زوج آيات )اتحسن ورجع طبيعي .
فاروق ( طليق ايمان ) اتصل بيه بيوم ..

فيصل :
هلا ابو قصي شلونك ؟

فاروق :
هلا بيك ..
شلونك ؟
شخبارك ؟

فيصل :
الله يسلمك الحمدلله .
شخبارك انت ؟

فاروق :
والله ..
ردت احجي وياك بموضوع .

فيصل :
حياك الله .

فاروق :
امرلك للبيت لو وين انت ؟

فيصل :
بكيفك ..
وين تريد انه اجيك .

فاروق :
لا انه بالطريق اذا انت بالبيت حتى امر عليك هسه .

فيصل :
هلا بيك .
انتظرك .

سديت التليفون وكمت اسوي كهوه فاروق مايشرب الجاي .

رتبت الهول شوية كله كتب ودفاتر واوراق .
مشطت كفشتي عود جنت ذابح روحي بالقراية اجتني حجه هسه حتى ارتاح .

اجه فاروق وره نص ساعة ..
سلام وعليكم السلام ..

فيصل :
ادري بيك ماتشرب الجاي حضرت الكهوه .

فاروق :
اييي ..
رحم الله والديك .
راسي يوجعني .

صبيتله وكعدنه نشرب ..

فيصل :
شخبارك ؟

فاروق :
والله الحمدلله .
نركض بهالدنيا ..
شغل ..

فيصل :
اممم .
قصي يجيك ؟

فاروق :
والله يجي ساعة ويروح بس قبل يومين كلي يريد يجي بنهاية الاسبوع يبقى عندي ..

فيصل :
اممم ..

فاروق :
يعني انت تعرف ايمان وعصبيتها ..
وهو ولد شاب بعد مو طفل وتتعامل وياه بهالعصبية ..

تنهدت بتعب :
ادري ..
ادري ..

فاروق :
هو كلي يريد يجي يعيش وياي بس انه كتله امك تموت اذا تجي عدي ..
بعدين هي امه واحسن اله والها يبقى يمها .

فيصل :
فاهمك ..
فاهمك ..
انه حجيت وياه نفس الحجي هذا كبل ..

فاروق :
اي ..
كلي ..
بس هسه بعد هو يريد يجي فلازم يكون عدكم علم تره انت تعرفها هسه عبالها انه كتله عوف ( اترك ) امك وتعال عدي ..

فيصل :
ههههه لا هسه تكول فيصل كله هههههه .
سهلة ان شاءالله .
لاتشيل هم اول وتالي لازم تسوي مشكلة وبعدين تتقبل الموضوع .