الجوزاء والفيصل

الجوزاء والفيصل ٣٤

#الجوزاء_و_الفيصل
#روز_الفياض
#ح٣٤
.
.
.
أشعُر أَنَ قَلِبِي مُحَطَمُ ، هَا أَنَا الَأن مَرَةً ثَانِيَةً فِي حِيِرَة لَا تُحتَمَل وَ صُرَاع دَاخِلِي .
.
.
.

ماقبلت راويه تحجي ..
صعدت للشقه وصعدت وراها ..

فيصل :
تحجين لو شلون ؟

راويه :
ماكو شي حتى احجيه ؟

فيصل :
شلون ماكو شي وصوتج الجان واصل لسابع جار ؟

راويه :
مشاكل عائليه ..

فيصل :
مشاكلكم اعرفها وانتم دخلتوني بيها غصبا عني فاحجي حتى افهم ..
شبيج ؟

باوعتلي وبجت ..

فيصل :
كليلي شصار وعوفي البجي هسه ..
ليش اتعاركتو ؟

راويه :
جاي بعد كل هالسنين ولاعبالك صار اي شي من الي صار ...
جاي يدور براءة ذمه ..
يريد يروح للحج ..

صفنت شويه هزيت راسي باستفسار :
منو هو ؟
منو يريد يروح للحج ؟

ردت علي بعصبيه وصوت عالي :
هذا الحيوان الجوه ..

سكتت ارتب افكاري حتى استوعب الفهمته ..

فيصل :
هذا نفسه الكلب ال ...؟

ماحجت بس ظلت تبجي حيل .

فيصل :
شوكت اجه ؟

ماحجت ..

صيحت عليها :
ردي عللللييي ...
شووووكتتت ؟

راويه :
امس بالليل ..

فيصل :
ابوج جان موجود ؟

هزت راسها اي ..

عفتها ونزلت بسرعه ..
نزلت تركض وراي ..

دكيت الباب حيل على مال بيت اهلها فتحته امها :
وينه هذا الكلب ؟

ام راويه :
منو ؟
يا كلب ؟

فيصل :
الكلب ..
الحيوان العدكم ..

دخلت كبل للصاله هو جان متمدد ..
من شافني كعد ..

كضيته من ياخته :
امشي اطلع بره ..

سامر :
شنو ؟
شكو ؟

فيصل :
امشي لك ...
شنو وشكو عليمن هاي تمشيها ..

سامر :
شيل ايدك واحترم نفسك ..

فيصل :
برره ..

ام راويه :
فيصل يمه مو هيج الحجي ..
عيب ..

درت عليها كتلها بعصبيه:
ياعيب حجيه ؟
خليتوا بيها عيب انتم ؟

سامر :
احترم نفسك بكد امك ..

مااتمالكت نفس جبته بوكس ..
طاح بالكاع ..
راويه كاضه ايدي ..

ام راويه :
مايصير هيج شنو هالحجي هذا شنو هالتصرفات ..
تمد ايدك على خطار الحجي ابيته !!!