الجوزاء والفيصل

الجوزاء والفيصل ١٨

#الجوزاء_و_الفيصل
#روز_الفياض
#ح١٨
.
.
.
دعاء من استصعب عليه أمر
اللَّهُمَّ لا سَهْلَ إِلاَّ ما جَعَلْتَهُ سَهْلاً، وأنْتَ تَجْعَلُ الحَزْنَ إذَا شِئْتَ سَهْلاً.
.
.
.
بعد مرور كم شهر على وجودي بعمان جنت اشتغل بيها ليل ونهار وكلش فرحان بالمبلغ الجمعته رغم احس بالوحشه ماكو اهل ولا اصدقاء بس ابو راويه وراويه مرات تجي من يكون عدها شغل ويه ابوها تمر تحجي وياه بالشركة وتجي تسلم علي ..

بس من يجي ابو مرتضى جنت اتونس لان صاحبي صارله سنين ويعرفني كلش زين واعرفه .
عدي ميانه وياه وهو هم ..

.
.
.
بالليل جنت متمدد اكلب بالتليفون وشفت بيج المكتبة مال مينا طلع كدامي !!!!

رأساً فزيت !!!
مو جان البيج مايطلع ؟؟!!!
مو جانت حاضرتني ؟؟
ليش هسه رفعت الحظر ؟؟؟

راحت الطنكوره ؟!
كل هاي المده يعني جانت طنكوره ؟؟
وبعدين وياها هاي ؟؟
منين الله بلاني بوحده من برج الجوزاء ؟!

بعدني توني طبيت عالبيج ودك تليفوني ..

علي اخوي ..

فيصل :
هلوووو ...

علي :
هلا ..
شلونك ؟

فيصل :
الحمدلله انتم شلونكم ؟

علي :
الحمدلله
الحمدلله

حسيت علي من صوته جنه ( كأنما ) فرحان .

فيصل :
مبين عدك اخبار زينه ؟

علي :
شلون عرفت ؟

فيصل :
جا انه غشيم عنك ..
من صوتك مبين فرحان ..

علي :
انوب من الصوت مبين !!

فيصل :
اخوي واعرفك مايحتاج تنكر ههههه .

علي :
هههههه
لا عمي مااكدر اجذب عليك وانكر ..
انت طلعت مثل هذا اليطلع بالتلفزيون ومسوي روحه كشاف هههه .

فيصل :
ياهوو !!!

علي :
هذا الخابصنه ابو كذله ..

فيصل :
ابو كذله ؟!!!
منين ؟
هذا خاف قصدك الشيباني مدري شسمه هههههه .

علي :
اي هو هههههه .

فيصل :
لا يمعود ، هذا شنو انه اقوى منه اصلا ههههه .

علي :
عمي انت وين اكو مثلك ..
انت شارتك بالمكان .

فيصل :
ياستار يارب ..
صار بيها شاره ...

علي :
نبدي بالاخبار الحلوه لو بالاخبار الطايح حظها ؟

فيصل :
الاخبار الطايح حظها مااريدها ولااريد اسمعها انه ضايج من روحي انوب تجيني اخبار مابيها خير تريدني اصعد فوك العماره واشمر روحي ..

علي :
تمام ..

سكت علي ..

فيصل :
شو سكتت ؟