الجوزاء والفيصل

الجوزاء والفيصل٣٢

#الجوزاء_و_الفيصل
#روز_الفياض
#ح٣٢
.
.
.
" ‏ستحيَا مرّة واحدة فلا تُخفي مشاعرك عمّن تُحبّ"
.
.
.
كعدت الصبح مابيه حيل اروح للشغل ..

فيصل :
اففف ..

التفتت شفت راويه نايمه ..
غطيتها وردت اكوم اروح اغسل ..
بس صفنت اباوع لوجهها ، دنكت عليها بست خدها ..
فتحت عينها ورجعت غمضت ..
رجعت بست خدها :
شنو هالنشاط من الصبح ...

فيصل :
عمي دكعدي ورانه شغل ..

راويه :
تعبانه ..
اريد انام ..

فيصل :
نعلي الشيطان يابت الناس وكومي خلينه الله هادينه تجين تنامين هنا وتتمغلجين ( تدلعين ) على المكرود فيصل خلص عمره بس يباوع بعيونه ..

فتحت عيونها :
شيباوع ؟

رجعت دنكت عليها :
عالحلوات 👩‍❤️‍💋‍👨..

استحت كلش ..

فيصل :
كومي سويلنه جاي يمعوده لانروح نجفص ونسويلنه مصيبه من الصباحيات ..

كامت راحت تغسل لابسه دشداشة قصيره للركبة وبيها فتحات منا ومنا .

فيصل :
شدعوه هلكد ثوبج طويل ..
انوب مخليتلها فتحات منا ومنا املأ الفراغات ...

رجعت :
شنو ماسمعتك ؟

فيصل :
اكول شدعوه هلكد ثوبج طويل ؟

راويه :
مو زحمة البس قصير خاف احد يشوفني وانه صاعده للشقة ..

ضحكت ..

فيصل :
لا رحمة ليش زحمة ههههههه
بويه هذا ثوبج ممنوع بعد ..
ماشي ؟

راويه :
تره مالابسته بره ..

فيصل :
مو عالبره ..
هو بس البره يشوف ؟
جا والمكرود الكاعد جوه وانت مشلتحه يمه ؟هههههه والله بلوه ..

راويه :
صار ..
منا وهيج البس لبس مال طلعه حجاب وردن طويله بعد ؟؟

فيصل :
لو اطخه لو اطلع مخه ..
مو لهدرجة يعني لبسي شويه اطول جوه الركبة مايصير يبزز ؟..

راويه :
حيرتني وياك ..
مره لبسي براحتج احنه متزوجين ومره لاتلبسين براحتج لبسي طويل ومستور ومره لا مو لهدرجة ..

فيصل :
احنه متزوجين صحيح يعني مو حرام تلبسين كدامي هيج بس مو طالعه من بيت اهلج وصاعده لهنا بهذا اللبس ..
حتى كدام ابوج مو لائق ..

باوعتلي ماعاجبها ..

فيصل :
لبسي يمي ..
انه ماعدي مانع الله مطيني حق اباوع ..

استحت :
عيب عليك تحرجني ..
بعدين توه تكول مكرود ؟

فيصل :
كله منج الثوب الطويل عدوج خوما عدوج ؟
وصدك مكرود اسمي بالحصاد ومنجلي مكسور ..
بس صيت والناس حاسدتني هههههه .