الجوزاء والفيصل

الجوزاء والفيصل٣٩

#الجوزاء_و_الفيصل
#روز_الفياض
#ح٣٩
.
.
.
-مو تعودني عليك وتمشي مني ..
.
.
.
سمعت صوت ام رعد يمي فتحت عيوني :
يمه هلا ..
يمه هلا ..
هلا بحبيبي ووليدي ..
يمه نورت الدنيا فيصل ..
شلونك يممممه ؟؟
شلونك يبعد عيني ؟

هزيت راسي زين وبديت ادور على راويه بعيوني ..
ماشفتها !!!

فيصل :
وين راويه ؟

ام رعد :
ها يبعد عيني ؟
شتكول ؟

فيصل :
راويه ..

ام رعد :
راويه .. هسه تجي ارتاح انت ..

خفت ..
دخل الدكتور فحصني :
الحمدلله عالسلامة
وضعك حاليا مستقر منا لبعد تلث تيام ان شاءالله تكدو تطلع ..
الرصاصة طلعناها بعدما اخترقت الرئه .
والثانية الحمدلله ماسببت ضرر جبير طبت من ظهرك طلعت من بطنك بس ضررها اقل ..

فاجأني حجي الدكتور !!!
ماعرفت شفكر ؟؟
الشي الوحيد الجان مسيطر على تفكيري هو اختفاء راويه ..

فيصل :
صوتي ..

الدكتور :
نعم ؟
صوتك ؟
طبيعي لان صارلك اربع تيام فاقد الوعي اوتارك الصوتيه جافه ..
شوية شويه ترجع بس ترطبها تشرب ماي وسوائل اكثر .

شويه وطلعوا كلهم بقى يمي كريم وام رعد ..

درت على ام رعد :
وين راويه ؟

ام رعد :
مااسمعك يايمه ..

جنت ادري بيها فهمت شنو كلت بس جانت تسوي روحها ماتسمع ..

حاولت اكوم ماكدرت ..

كريم :
وين رايح ؟
وين ؟؟
اكعد ..
اكعد ..

وخرت ايده اريد اكوم ..

ام رعد :
لاتتعور فيصل ..
اكعد يمه وين رايح ؟

فيصل :
اريد اشوف راويه ..

ام رعد :
راويه مريضة ..

صفنت بوجهها :
شبيها ؟

ام رعد :
مصخنه كلش ومن تعورت انت انتكست حالتها ..

فيصل :
شبيها ؟
وينها ؟

بديت احاول اصيح حتى يبين صوتي ..

ام رعد :
لاتخاف مابيها شي بس الدكتوره تكول عدها التهابات قوية ..

فيصل :
وينها ؟

ام رعد :
خليتها نايمة بالبيت .

فيصل :
لا ..
بيها شي ..

ام رعد :
والله العظيم مابيها شي وداعتك ..تجذبني وانه امك ..

رجعت خليت راسي عالمخده :
شبيها ؟

ام رعد :
شو تصخن بالليل ماتنام من الصخونه .
من اتصوبت انت هي هنا جانت اجت وياي ..
ماخلونه نكعد يمك كالوا محد يظل بس شخص واحد بقى كريم واحنه رحنه كعدنه بره بالشارع شو البنيه طاحت علي ..