الجوزاء والفيصل

الجوزاء والفيصل٣١

#الجوزاء_و_الفيصل
#روز_الفياض
#ح٣١
.
.
.
تمسك بكل ما يبعث الطمأنينة في روحك وأجعل يقينك بالله أكبر من كل مخاوفك ..
.
.
.
فيصل :
هاي حيوانه ..
وحده حيوانه ..

راويه :
ليش هيجي سويت ؟
مو كتلك سمعتك وانت تحجي مع ام رعد ..
سمعتك وانت تكللها انه مو احسن من مينا ..
شتريد بعد اكلك سمعت ؟

فيصل :
انت كلتي جانت تحجيلج ..
انت كلتي ..

راويه :
شتريد هسه ؟
تريد اسوي نفسي ماسمعت ؟
لو تريد اطير من السعاده لان قررت ماتطلكني ؟

بقيت مفهي بوجهها ..

كعدت :
كعدي ..

راويه :
هذا زواج فيصل ..
هذا زواج مو علاقة عابره ممكن تقضي بيها وقت وتتسلى وبعدين من تمل تنهيها ..

فيصل :
ومنو كلج انه اريد علاقة عابره ؟
انه حتى مينا ماجانت علاقة عابره بالنسبة الي ..
انه خطبتها البنيه وماقبلت ..

راويه :
ماقبلت بس انت تحبها .

فيصل :
لا ..
لا مااحبها بعد ..
صدكيني مااحبها .
انه اصلا تندمت لان خطبتها لان طلعت ماتستاهل ..

راويه :
ماتستاهل بس بنظرك هي احسن مني .
انت مامقتنع بيه شلون تتزوجني ؟

فيصل :
ممكن تكعدين ...

كعدت :
انه مااكدر ، كرامتي ماتسمحلي ..

قاطعتها :
كرامتج انه المسؤول عنها كرامتج من كرامتي ..

راويه :
ليش هسه ؟
ليش بعدما رجعنه من العراق ؟

فيصل :
روحت العراق مالها علاقه ..
انه مو زغير وادري اكو فرق بالعمر بيني وبينج وبالشهادة وحتى بالشكل ..
بس انت سألتيني اذا لكيت الانسان التناسبني ممكن اتزوجها كتلج اتمنى ..
انت هاي الانسانه ..

راويه :
لحد قبل مانسافر لدبي ماكان هذا كلامك ؟

فيصل :
مايصير يعني اعيد التفكير بالموضوع ..
مايصير يعني احس بشي تجاهج ؟

راويه :
لا مايصير ..
لان انه وضعي مختلف ..
لا مثل مينا ولا مثل غيرها ..

فيصل :
ادري شلزكتي بخ..ه مينا هسه ؟
كنالج بنيه خطبتها وماصارت وراحت لحال سبيلها البنية اتزوجت الله يستر عليها ..

راويه :
واذا ردت باجر اطفال ؟
شلون ؟
شيسوي ؟
انه مااكدر اجيب اطفال وانت كتلي اذا حبيت وحده اكيد تتمنى يصير عندك منها اطفال ..

فيصل :
انت ليش تحبيني ؟

ماحجت ..

فيصل :
انت هسه من عرفتي بمينا كرهتيني ؟

راويه :
لا مااكرهك ..