الجوزاء والفيصل

الجوزاء والفيصل ٣٨

#الجوزاء_و_الفيصل
#روز_الفياض
#ح٣٨
.
.
.
داخل كُل انسان حياة أُخرى يعيشها بمفرده .
.
.
.

وكفت بره حتى اهدا شفت سعد جاي من الشغل ..
سلمنه ووكفنه حجيت وياه عالشغل :
انه جاي هالمره اريد افتح شركة هنا ..
واريدك انت تستلمها بمكاني .

سعد :
ليش عمي جا انت وين ؟

فيصل :
انه مااكدر اجي هنا بعد ، عدي شغل هناك وبالحالتين انه محتاج احد هنا لان الفرع هناك منو اله ؟

سعد :
تدلل عمي
ماكو مشكلة شوكت تريدني انه حاضر

فيصل :
مو هسه ، خل اعرف راسي من رجليه وبعدين ..
ابوك ومرت عمك راح يجلطوني .

سعد :
هههه شبيهم وياك ؟

فيصل :
يردوني اتزوج

سعد :
تتزوج ؟
وراويه ؟

فيصل :
جا شحجي انه ، هي راويه وابوك وحتى امك كلهم متفقين ..

سعد :
ليش ؟ شلون ؟

فيصل :
جا ولك انت مطفي ؟
ماعايش ويانه ؟

سعد :
بس بالاسم عايش اطلع بثمانية ارجع بثمانية حتى مااشوف احد .

فيصل :
راويه عدها مشكلة ماتكدر تجيب جهال .

صفن بوجهي :
يعني ابد ماتكدر ؟

فيصل :
ماادري ، لازم نعرضها على كذا دكتور بي مو هنا

سعد :
عمي الطب اتطور هسه مو مثل كبل هسه كلها جاي تسوي اطفال انابيب ..

تحسرت وسكتت كلها عبالها الامور تنحل بعملية اطفال الانابيب مايدرون هي اصلا ماعدها رحم ..

فيصل :
الله كريم .
الله كريم ..

دخل سعد للبيت وطلع كريم :
ها نروح ؟

فيصل :
وين ؟

كريم :
لبيت عزام جا بعد وين ؟

باوعت راويه واكفه وراه :
تأخر الوكت ..

كريم :
لا بعد وكت العالم بعدها حتى مامتعشيه .

فيصل :
لا ..
ام رعد تروح ..
ام رعد وراويه ..

دخلت للبيت وعفتهم ..
اجت وراي :
ليش تريدني اروح ويه ام رعد ؟

رديت عليها بنتر :
هذا التردينه انت ، ترديني اتزوج باي طريقه خلص تتحملين ..

راويه :
لمصلحتنه ..

فيصل :
راويه ..
انت مشيتي هالطريق بارادتج مااعرف شنو معناه الجاي تسوينه عبالك تردين تتخلصين مني ؟

راويه :
مو صحيح
انت تعرف كلش زين شكد احبك

فيصل :
لا والله بعد مااعرف ..
المره التذبح روحها حتى تزوج رجلها ومايرفلها جفن هاي ماتحبه هاي تريد تخلص منه ..
ولج عالاقل غاري شويه