الجوزاء والفيصل

الجوزاء والفيصل ١٢

#الجوزاء_و_الفيصل
#روز_الفياض
#ح١٢
.
.
.
انا لا أُجيد الكلمات الرائعة دائمًا
ولكني أُجيد بأن اكون انا كما انا
منُذ البداية حتى النهاية .✨
.
.
.
جنت عد الحلاق وخابرني علي اخوي :
ها ؟
وين انت ؟

فيصل :
هاا ..
عد الحلاق ..
شكو ؟

علي :
خلص وتعال .

فيصل :
اكو شي ؟

علي :
لا ..
ماكو شي بس اتانيك ( انتظرك ) يم المخبز .

فيصل :
يم المخبز ؟
شعدك يم المخبز ؟

علي :
اخبز ..!!!
اشتري خبز يعني شسوي بالمخبز ..

فيصل :
هاا هههههه مو الاعرفه ام حسن هي التتسوك احتياجات البيت .

علي :
ام حسن جايتها الطنكوره اليوم ..

فيصل :
ياستار ..
شصاير ؟

علي :
ماتطلعنه ..
ماتكعد ويانه ..
ماتسولف ..
من هالحجي المابي خير ..

فيصل :
خير ان شاءالله .
اخلص واجيك .

علي :
ماشي ..

حلقت شعري ولحيتي ورحت اتمشى لعلي اليوم الجو حلو مال واحد يتمشى ..

وصلت لكيته واكف مبين على وجهه ضايج فضحكت :
هاا .. شبيها ام حسن اليوم عليك ؟

علي :
يااخي دوخت راسي ، ماتطلعنه ماتكعد ويانه ماتسولف ماتضحك ماتساعدني ما مدري شني ..

فيصل :
قابل مجذبه المره ، هذا طبعك صدك هههه .

باوعلي وهو عصبي :
انت هم بطران ، انه ارجع تعبان الي خلك اطلع واسولف وانكت ...

فيصل :
شالقصة يااخوي ؟
شني بس انت تشتغل ؟
عالاقل طلعها مره مرتين بالشهر .
مو الا مطعم لو شي ، اخذها وروحوا تمشوا مو هل نطلع نتمشى ..
المره المن متزوجة اذا الرجال ماله وجود بحياتها بس شغل شغل شغل ..

علي :
نشوفك من تعرس

فيصل :
كل شي بالحياة اله حق ..
الشغل والبيت والمره والجهال ..
كلمن اله وكت لو باليوم ساعة هم انعم الله .

علي :
اسكت انت الثاني هم بطران ..

سكتت ..
بعدين سألته :
شبيك اليوم ؟
شمضوجك ؟

ماحجه ..

بقينه نمشي ساكتين بعدين كعدنه بمكان نشرب كهوه فكلي :
خابرت لكريم اليوم ..

فيصل :
اممم ..
شيكول ؟

رجع سكت ، فحسيت اكو شي :
احجي يااخي هسه شني معناها هالسكته ؟

تنهد وباوعلي :
سألته على سالفة اخت مرت رعيد .

فيصل :
اي ؟؟؟

علي :
اي ..

فيصل :
شني هي هاي ؟
شكال ؟

علي :
كال ...
اختك ..