الجوزاء والفيصل

الجوزاء والفيصل ١٤

#الجوزاء_و_الفيصل
#روز_الفياض
#ح١٤
.
.
.
نلمع في ذاكرتكُم مثل ذنبٍ عميق .
.
.
.
رجعت تمددت وغمضت عيوني وانه احس روحي مبهوته وكلبي يخفك ( يخفق ) حيل ..

مرت ساعه ..
ساعتين ..
وانه افكر اروح لو لا ؟؟

هذا السبب الحقيقي لو انه اتحجج ؟؟
ماادري شجاي يصير بيه !!!
ليش هيج خفت ؟؟!!

وصلني مسج من مينا :
فيصل ، شوكت تجون ؟
بيش الساعه يعني ؟
ومنو بالضبط راح يجي ؟

فيصل :
محد راح يجي ..

مينا :
صدك ؟
ليش ؟
شصاير ؟

فيصل :
ماصاير ..
انه غيرت رايي ..

مينا :
هههههه شلون يعني ؟

فيصل :
بطلت بعد مااريد اتزوج ..

مينا :
ماشي هههه

فيصل :
مينا ..
احجي صدك تره ..
انه ماراح اجي ولا اي واحد راح يجي ..

مينا :
ليش ؟
شكو ؟

فيصل :
ماكو شي ، بس انه ماافيدج ..

بقت ساكته يمكن عبالها اتشاقى وياها ويمكن بقت محتاره ماتدري انه شبيه ..

بعدين كتبتلي :
ممكن اعرف ليش ؟
ليش هيجي تحجي ؟

فيصل :
انت جنتي تعرفين رجلج قبل لا تتزوجون ؟

مينا :
رجلي ؟!!
شذكرك بي ؟
الرجال مات الله يرحمه !!

فيصل :
جاوبي عالسؤال جان اكو شي بينج وبينه قبل لا يخطبج ؟

مينا :
شي مثل شنو ؟
مافهمت ؟..

فيصل :
يعني جان عدج علاقه بي ؟
جنتي تحبينه قبل لايجي يخطبج ؟

مينا :
ليش هالسؤال ؟

فيصل :
جاوبي حتى ارتاح ...

مينا :
ترتاح من شنو ؟
شتحجي انت ؟

فيصل :
تعرفين عن شنو احجي ..
انت كلتي ماتقتنعين بالزواج التقليدي ، معناها اول مره اتزوجتي بعد علاقة وحبني واحبك ..

ماجاوبتني ..
وره دقايق اتصلت فطلعت بره حتى اجاوبها بس كلت :
الو

جاوبتني ومبين من صوتها باجيه :
شنو .؟
شن .. شنو هالحجي الي تكوله ؟

تنهدت بتعب :
جنتي تعرفينه وعندج علاقه بي لو لا ؟

مينا :
انت شعليك بي وشنو جان بيني وبينه ؟!!!
انت ..
انت ... وين تريد توصل ؟

فيصل :
ميناااا ...
احجي وجاوبيني بلا لف ودوران ..
جنتي تحبينه لو لا ؟

مينا :
انت واحد مريض ..
انت محتاج علاج ..
والحمدلله الي الله كشفك قبل مااتورط للمره الثانية ..
ضربتين بالراس توجع ..