It Seems There is Light || ဘာသာပြန် 《Completed》

Chapter 5:ရှောင်ကောကော

ပြည်နယ်အတွင်းရှိ ကျောင်းအများအပြား၏ အားကစားပွဲတော်များကို နိုဝင်ဘာလကုန်တွင် ကျင်းပကြလေသည်။ယခုအချိန်တွင် တွဲဖက်အထက်တန်းကျောင်းမှလွဲ၍ ကျောင်းအများစုသည် မတူညီသောယဉ်ကျေးမှုအမျိုးမျိုးကို လူသိရှင်ကြားထုတ်ဖော်ပြသရန် လှုပ်ရှားမှုများကိုအသုံးပြုခဲ့ကြလေသည်။

တွဲဖက်အထက်တန်းကျောင်းသည် အစိုးရကျောင်းဟောင်းဖြစ်လေသည်။ထူထောင်ခဲ့သည်မှာ နှစ်အတော်ကြာခဲ့လေပြီ။အားကစားစိတ်ဓာတ်ကို တိတ်တဆိတ်မြှင့်တင်လိုသည်ဆိုသည်က မှန်ကန်ခြင်းမရှိသော်လည်း ဆွေးမြည့်နေသောအရိုးကကျောင်းအသစ်များနှင့်မယှဉ်ပြိုင်နိုင်သည်မှာတော့ မှန်ကန်လေသည်။

တွဲဖက်အထက်တန်းကျောင်း၏ သင်ကြားမှုအရည်အသွေးအကဲဖြတ်မှုသည် ပြည်နယ်နှင့်မြို့ကြီးများတွင် အမြဲတမ်းအကောင်းဆုံးဖြစ်ခဲ့လေသည်။  ၎င်းသည် ကောင်းမွန်သောကျောင်းစွမ်းဆောင်ရည်ရှိခဲ့ပြီး လွန်ခဲ့သောနှစ်များစွာကပြည်နယ်အစိုးရ၏အဓိကအထက်တန်းကျောင်းအဖြစ်အဆင့်တိုးမြင့်ပေးခြင်းကိုလည်း ခံခဲ့ရလေသည်။

ကျောင်းသည်အတော်လေးကျယ်ဝန်းပြီး ကျောင်းဝင်းပတ်ဝန်းကျင်ကိုလည်း ယေဘုယျအားဖြင့်ပျမ်းမျှ၏အထက်တွင်ရှိသည်ဟု ယူဆနိုင်သည့်တိုင် ၎င်းကိုသာသီးခြားခွဲထားလိုက်ပါလျှင်ပြောစရာဘာမှကိုကျန်တော့မည်မဟုတ်ပေ။မကြာသေးမီနှစ်များအတွင်း ဆက်တိုက်ပြုပြင်မွမ်းမံမှုများပြုလုပ်ခဲ့သော်လည်း ပရောဂျက်၏အရှိန်အဟုန်မှာနှေးကွေးနေခဲ့ပြီး စာသင်ခန်းများအတွင်းရှိလေအေးပေးစက်များကိုပင် မနှစ်ကမှသာတပ်ဆင်ခဲ့ရခြင်းပင်။

ပြည်နယ်ရှိ ထိပ်တန်းအထက်တန်းကျောင်းနှစ်ဆယ်တွင် ကျောင်းအသင်းအဖွဲ့ဖိုရမ်များရှိသောကြောင့် အားကစားပွဲတော်များကျင်းပနေသည့်ကျောင်းအများအပြားက တစ်ချိန်တည်းတွင်ပွဲ၏အမည်ဖြင့် ဖိုရမ်တွင် ၎င်းတို့၏ကျောင်းဝင်းများကိုပြသနေကြလေသည်။

အစပိုင်းတွင် တရားဝင်အကောင့်မှပါးနပ်သောနည်းလမ်းဖြင့်သာ ပရိုမိုးရှင်းဓာတ်ပုံများကိုတင်ခဲ့လေသည်။သို့သော်နောက်ပိုင်းတွင် ကျောင်းသားများက တိုက်ရိုက်ပင်ဝင်ရောက်လာကာ ရိုးရှင်းစွာပင်ဆိုင်းမဆင့်ဗုံမဆင့်ဖြင့်ဖိုရမ်ပေါ်၌ပုံအမြောက်အမြားကိုတင်လာကြလေတော့သည်။