It Seems There is Light || ဘာသာပြန် 《Completed》

Chapter 11:လူကောင်း

ရှစ်အန်းကလင်ယွဲ့ကိုကြည့်ပြီးနောက် ကလေးမလေး၏ခေါင်းထိပ်ကို သူ့လက်ဖဝါးလေးဖြင့်ညင်သာစွာပုတ်လိုက်လေသည်။

လင်ယွဲ့မှာ စားပွဲဘေး၌ရပ်ရင်း လက်ကိုဖြန့်ထားကာ ကိတ်မုန့်ကိုလှီးရန်အတွက် ပလတ်စတစ်ဓားကိုကိုင်ထားလေသည်။

ခန်းမရှိလျှပ်စစ်မီးမှာ ဆယ်နာရီခန့်၌ပြန်လည်ရရှိခဲ့ပြီး ချင်းကျိုလမ်းကြားသို့ပြန်လာချိန်၌ စောနေဆဲ။

ရှစ်အန်းမှာဆိုင်ထဲသို့ဝင်လိုက်သည်နှင့် လင်ယွဲ့မှာကိတ်မုန့်ကိုကိုင်ရင်း ကောင်တာနှင့်အနီးဆုံးရှိခုံ၌ ရပ်နေသည်ကိုတွေ့လိုက်ရလေသည်။

သူမကကိတ်မုန့်ကိုပန်းကန်ထဲထည့်လိုက်ပြီး သူမလက်ထဲရှိကိတ်မုန့်ကိုလှီးရန်အတွက် ပလတ်စတစ်ဓားကိုကိုင်ထားဆဲသာ။

ဖန်းဝမ်ချင်းကရောက်နေပြီး သခင်မကြီးကိုပွေ့ဖက်လျက် ခုံ၌ထိုင်နေလေသည်။သူမဘေးရှိ အမည်မသိကလေးမလေးတစ်ယောက်က ကိတ်မုန့်ကိုသာ မလွတ်တမ်းစိုက်ကြည့်နေ၏။

"အန်တီဖန်း"

ရှစ်အန်းက လွယ်အိတ်ကိုချွတ်ကာ ကောင်တာ၌တင်လိုက်ရင်း သူမကိုနှုတ်ဆက်လိုက်၏။ဖုန်းကိုထုတ်ကာ ဘေးသို့ထားလိုက်ရင်း ခေါင်းကိုလှည့်ပြီး ကိတ်မုန့်ကိုကြည့်လိုက်လေသည်။

ယုန်ပုံစံရှိသော ကိတ်မုန့်လေးပင်။တစ်ကိုယ်လုံးက နှင်းကဲ့သို့စွတ်စွတ်ဖြူနေပြီး ဘောလုံးလေးတစ်ခုက အရောင်ဖျော့ဖျော့စက္ကူပန်းကန်ပြားပေါ်တွင် ကပ်နေကာ ကျဉ်းမြောင်းသောမျက်ဝန်းလေးဖြင့် ချစ်စဖွယ်နှင်းပွင့်လေးများပင် ရှိ၏။

ရှစ်အန်းမှာ လင်ယွဲ့လုပ်ထားသောအရာဆိုလျှင် အလိုလိုကြောက်ရွံ့နေပြီးဖြစ်သော်လည်း ဤယုန်လေးကိုမြင်ပြီးနောက် စိတ်သက်သာရာရစွာသက်ပြင်းချလိုက်မိတော့သည်။

၎င်းက လင်ယွဲ့ပြုလုပ်ထားသမျှထဲမှ ပုံမှန်အဖြစ်ဆုံးတစ်ခုသာ။

သူကစိတ်ကျေနပ်စွာခေါင်းညိတ်ရင်း လှည့်ကာအပေါ်ထပ်သို့သွားရန်ပြင်လိုက်ချိန်တွင် လင်ယွဲ့ကကောင်မလေးအားမေးလာသည်ကို ကြားလိုက်ရ၏။