It Seems There is Light || ဘာသာပြန် 《Completed》

Chapter 23:အိမ်မက်ယောင်ခြင်း

ပြီးနောက်တွင်တော့ ယန်လျန့်မှာ ရှစ်အန်း၏အချိုပွဲဆိုင်ရှေ့တွင် နေ့တိုင်းနေ့လည်ခင်းနှင့်ညဘက်များ၌ပင် ငုတ်တုတ်သွားထိုင်နေတတ်ပြီး အထဲဝင်နိုင်ရန် စောင့်ဆိုင်းနေခဲ့တော့သည်။

တကယ်တမ်းတွင် ရှစ်အန်း၏ "အတူအိပ်ခြင်း"ဆိုသည်ကိုနားလည်ခြင်းက သူတို့၏ "အတူအိပ်ခြင်း"ဆိုသည်ကိုနားလည်ခြင်းနှင့် ကွဲပြားနေကြောင်း သိလိုက်ရပြီးသည်နှင့် ယန်လျန့်မှာ နောက်ပိုင်းရှစ်အန်း၏အိမ်၌ သွားမအိပ်ရန် စီစဉ်ခဲ့ခြင်းသာ။

မည်သို့ပင်ဖြစ်စေ နေ့လည်နားချိန်၌ နှစ်နာရီမျှတိတ်တဆိတ်လှဲလျောင်းနေရခြင်းက ညှဉ်းပန်းနှိပ်စက်ခံရခြင်းနှင့် ကွာပြားမှုမရှိပေ။

သို့သော် ရှစ်အန်း၏လျို့ဝှက်ချက်ကို မတော်တဆမျက်မြင်တွေ့လိုက်ရပြီးနောက် ယန်လျန့်မှာအလွန်တည်ငြိမ်ခြင်း မရှိတော့ပေ။

ရှစ်အန်းအိမ်မက်ဆိုးများ ကြုံလာသည့်အချိန်တိုင်း သူနှင့်အတူဘယ်သူမှရှိမနေသည်က ရှစ်အန်းအတွက် အလွန်နာကျင်ရပေလိမ့်မည်။ထို့ကြောင့် ယန်လျန့်ကအံကြိတ်လျက် သူ၏ "အချစ်ဆုံး သူငယ်ချင်း"အတွက် နှစ်နာရီကြာညှင်းပန်းခံရခြင်းကို ဖြတ်ကျော်မည်ဟု ဆုံးဖြတ်ခဲ့လေသည်။

ဖန်းဝမ်ချင်းမှာ ဆိုင်အဝင်ဝမှာဖြတ်သွားကာ လှမ်း၍ ယန်လျန့်၏ဆံပင်များကို ပွတ်သပ်လာပြီး သူ့အားရယ်မောလာခဲ့တော့သည်။

"မင်းကရှောင်အန်းကို အရမ်းတွယ်ကပ်နေတာပဲနော်? အိပ်ရေးဝအောင် အခြားတစ်ယောက်ယောက်နဲ့ အိပ်ရမှဖြစ်မှာလား? လေရဟတ်လေး ငါတို့ရှောင်အန်းက မင်းလူးလိမ့်လှည့်နေတာကို သည်းခံနိုင်လောက်မှာမဟုတ်ဘူးနော်"

အန်တီတို့ဘာသိလို့လဲ ကျွန်တော်ကကိစ္စအကြီးကြီး
တစ်ခုလုပ်မလို့ပါနော်

ယန်လျန့်ကနှာခေါင်းရှုံ့ကာ သူ၏သွားစွယ်သေးသေးလေးများဖြင့် ဖန်းဝမ်းချင်းကိုပြုံးရယ်ပြလာပြီး ပြန်မဖြေခဲ့ပေ။

အချိန်အတိုင်းအတာတစ်ခုကြာပြီးနောက် ယန်လျန့်မှာ ရှစ်အန်းကိုစိတ်တည်ငြိမ်အောင်လုပ်ရာ၌ ပို၍ပို၍သာယာဖြောင့်ဖြူးလာခဲ့ပြီး ရှစ်အန်း၏အိမ်မက်ဆိုးအရေအတွက်က လျော့နည်းလာပုံပေါ်ကာ ယခင်နေ့စဉ်မှတစ်ရက်ခြားတစ်ခါ၊ယခုအခါ အိမ်မက်ဆိုးများက မလွဲမရှောင်သာ တစ်ရက်ခြားတစ်ခါ ထပ်၍မဟုတ်တော့သည်ကို သူပျော်ရွှင်မိလေသည်။