الهجينه ♡ ( جارى تعديل السرد من عامي الى فصحى)

الجزء الاول [ أنها البشاره]

الهجينه [أنها البشاره]
الجزء الاول
البيدج الاصليه حكآآيآآت مآآهي
بقلمي مآآهي آآحمد

فى إحدى القصور بقرية من  قرى الصعيد النائية وفى ليلة حالكة الظلام حيث كان الصمت هو المتحدث الوحيد فى تلك الليلة مع بعض من نسمات الهواء على استحياء أقتحم الضبع غرفة ابنه وهو يصيح بصوت مرتفع بأسم إبنه ياسين حيث كانت تغمره السعادة ويكاد بريق عينيه ان يبدد الظلام الذى بالخارج وهو  يقول له

-انت فين البشارة جت البشارة  ياولدى

نهض ياسين وهو عارى الصدر وتبرز عضلاته وقد تملكته المفاجأة بالارتباك وهو يقول

-بشارة اية يابويا اللى جت

بنت العزايزة بتولد ياولدى خلاص أخيرآ بتولد

قال جملته وكانت تغمره السعاده

-أنت بتتكلم  عن آية يا بويا أنا مش فاهم حاجه 

نظر له والده نظرة مريبه وقد أنمحى من عينيه بريقهما وحل مكانهما الغضب والكره وهو يتحدث بنبرة يملؤها الغضب

- لاء إنت فاهمنى كويس  وعارف انا بتكلم  عن مين ياياسين

نهض ياسين لكى يرتدى جلبابه بعدم مبالاه وتحدث متهكمآ

-وحتى لو زهره بتولد والبت اتولدت لسه بدرى  على اللي بيدور جوه راسك

نظر له والده نظرة طويلة وقد تقافزت من عينيه شرارات الغضب وقد كاد ينقض عليه

-لاء كفايه كده احنا استنيناها تحمل وتولد من سنين طويله واهى هتولد وخلاص يكون فمعلومك هتكتب كتابك عليها الليله

اكمل ياسين ارتداء جلبابه وضبط درجات السلم خلف أبيه وهو يتحدث بحنق وغضب

-انت اكيد بتقول اى كلام يابويا ماهو ده مش كلام  ناس عاقلين ابداً انت اتجننت ولا أيه يا بويا  كبرت وخرفت دى لسه عيلة صغيره  بترضع من أمها

ألتفت إليه والده وقد تملكه الكثير من الغضب وأصبح وجه كأنه شيطان فر من أعماق الجحيم الان وصفعه صفعه شديدة على وجه ألقت به على الارض وهو يصيح به

-انت بتقول لمين أنت خرفت يا ياسين إنا الضبع وانت ابن الضبع وعيلة الضبع متخرفش ابداً حتى لو العجز أكل من جتتنا أكل البت دى أنا فضلت سنين طوال بحلم باليوم اللى تتولد فيه مكانش بيغمض ليا جفن  من كتر مكنت مستنيها تتولد واهى اتولدت بعد مكنت بقول ان المهدى مش هيخلف فى يوم من الايام أهى مراته خلفت والبت دى هى أملنا الوحيد عشان تتفك لعنتنا اللى لعنا بيها المهدى سنين طويله

نهض ياسين يمسح بيده على وجه وقد كان شديد الاحمرار من اثر لطمة والده له ولم يكن وجه فقط الذي يبدو شديد الاحمرار فقد كانت مقلتيه ايضا شديتا الاحمرار كأنهما اتون ملتهب وبصوت شديد الغضب كان يصيح