عروس الألفا 💕
الهجينه
الجزء الثالث والثلاثون
البيدچ الاصليه حكآآيآآت مآآهى
بقلمي مآآهي آآحمد
قبل بدايه البارت حابه اني اوضح شىء بسيط أوي يعلم ربنا ويشهد عليا في يوم أن اي جمله علقت في ذهنكم وكانت مشابهه لجمله اخرى من روايه أخرى ماهي إلا تشابه وتوارد افكار اسماء الابطال والجمل المشابهه لروايات تانيه انا عمرى ما سمعت بيهم ولا قرأتهم في يوم وكل جمله اجتهدت فيها عشان تبقى معلقه معاكم وربنا العالم انا عمري ما أخدت شىء من حد وعمري ما قرأت روايه في يوم وبخاف جدآ اقرأ روايه واخد فكره غصب عني عشان كده مابقرأش اصلآ حبيت انبه على الحته دي معلش اتحملوني انا
طول عمري ربي العالم رواياتي كامله بتتسرق وبيشيلوا اسمي ويكتبوا اسمهم وبحس بالقهره على تعبي اللي بيتنسب لغيري حقيقي فعمري ما هاخد اسامي ابطال ولا جمل من حد واسفه اذا كنت طولت عليكم ويلا نبدأ البارت ياحبايبي
_______________( بقلمي ماهي احمد)______________
الكون كان ساكن قبل الفجر والهواء البارد مصاحبه حبيبات التلج في الرياح صوت الرياح العاصف بتسمعه في كل مكان حواليك كانت واقفه هي وضامه الچاكيت بتاعه على جسمها اللي اداهولها عشان يحميها من البرد القارص بعد ما قال كلمته ومشي وسابها واقفه متجمده مكانها مش مصدقه اذا كان اللي قاله ده حقيقه ولا بيتهيألها بص وراه لقاها لسه واقفه مكانها ماتحركتش وواضح على ملامحها الذهول ابتسم ابتسامه لطيفه ورجع شعره الكيرلي لورا بأيديه
شريف: ايه هتفضلي واقفه عندك كده كتير
استعادت تركيزها وفاقت من شرودها ونبره صوتها بقت عاليه وهي بدافع بقوه عن نفسها
ولاء: ايه اللي انت بتقوله ده انا بحبك لاء طبعآ أنت اكيد اتجننت
كمل طريقه وسابها وهو واثق من اللي بيقولوا جت وراه وكان واضح عليه انه غير مهتم وقفته هي وكان واضح عليها الارتباك
ولاء: أقف هنا انت قولت كلمتك ومشيت
حط ايديه الاتنين في جيوبه الاماميه واخد نفس بعمق
شريف: الدنيا برد هنا تعالي ندخل جوه احسن
ولاء: لاء طبعآ مش هندخل إلا لما تقولي ليه قولت كده ايه اصلا اللي عملته عشان تفتكر اني ممكن احب واحد تافه زيك في يوم
رد على سؤالها بسؤال تاني
شريف: انتي عمرك قد ايه؟
استغربت من سؤاله بعد ما انكمشت حواجبها بس قررت انها تجاوب عليه
ولاء: ١٨
رد بتلقائيه
شريف: سنه
ولاء: لاء ثانيه استنى اقطعلك الحبل السري ياخفيف
قالت جملتها بسخريه من كلامه ابتسم بلطف وهو
بيبص في عنيها ونظراتهم اتقابلت كلمها بكل برود ووطى وقرب من ودنها واتكلم بهمس
أنت تقرأ
الهجينه ♡ ( جارى تعديل السرد من عامي الى فصحى)
Mystery / Thrillerظننت أن قلبي هذا لم يخلق لهُ الحب ، ونسيت أن بعض الظن أثم
