الهجينه ♡ ( جارى تعديل السرد من عامي الى فصحى)

(الهجينه )الجزء الاول من الفصل التاني

عروس الالفا 💕
( الهجينه 💕 )
الجزء الاول من الفصل التاني
البيدچ الاصليه حكآآيآآت مآآهى
بقلمي مآآهي آآحمد

في ابطال روايه حب خارج ارادتي للناس اللي داخله جديد هينضموا للروايه لو حابه تقرأيها عشان تفهمي مشاهدهم هي صغيره ماتكملش التلاتين بارت مش حابه اعملي اسكيب لمشاهدهم مش اكتر ولو معملتيش اسكيب وقرأتي مشاهدهم هتفهمي الروايه مافيهاش اي مشكله 🦋
صلوا علي الحبيب المصطفي 🤎✨

- "حضنگ  هو أگتر الأمآاگن أمآآنن علي وجه‍  الأرض"
#هدير _المنشآآوي
-----------------( بقلمي مآآهي آآحمد )---------------
( في احدي المنازل القديمه بحاره صغيره تسكن ولاء اخت غرام القدرى مع زوجه ابيها واخواتها الغير اشقاء)

مرات الاب ( هناء ) : انتي ياللي ما تتسمي ياللي اسمك ولاء

(بتدخل عليها البلكونه بتلاقيها لسه نايمه علي الارض لعدم توافر سرير لها داخل الشقه فأرضيه البلكونه هو المكان المخصص لها للنوم هي واختها غرام قبل زواجها )

مرات الاب  : يخربيييييتك انتي لسه نايمه يامقصوفه الرقبه
ولاء : يوووووه دي مابقيتش عيشه دي  قولتلكوا حاضر  شويه وهصحي مش كل ١٨ ساعه تيجوا تصحوني 
مرات الاب  : قومي يابت قامت قيامتك انتي ايه مابتشبعيش نوم
ولاء: ( قامت من علي الارضيه وهي مضايقه ومغمضه عين ومفتحه التانيه بالعافيه )
بقلمي ماهي احمد
مرات الاب : قومي ياموكوسه روحي علي شغلك  عشان تجبيلنا قرشين نعرف نمشي بيهم البيت ( تنظر للخلف بنظره شماته لوالد ولاء وهي رافعه حاجبها الشمال  )
بدل ما البيت منفض كده مافيهووش ولا جنيه
( والد ولاء بص في الارض بخجل )
والد ولاء : وانا .. وانا اعمل ايه يعني ما جابر بيه المنفلوطي اللي كنت بشتغل عنده سواق ما"ت ومابقووش محتاجين سواقين
مرات الاب : وهو مين اللي مو"ته مش جوز بنتك اللي مايتسمى هو وصاحبه
ولاء : ( بنرفزه ) يعني كنتي عايزاه يخ"طف اختي غرام ويحطها في صندوق ويمو"تها غر"قانه وهو يفضل واقف بيتفرج عليها
مرات الاب : ما كانت ما" تت ولا غا"رت في ستين داهيه تاخدها وتاخدك انتي كمان .. ده من يوم ما اتجوزت سى عز بيه بتاعكم ده مارحمتناش من الفقر اللي احنا فيه ده .. ما طلناش منها ولا جنيه المعف"نه بنت سنييه المعف"نه
ولاء : ( قامت من علي الارض وبقت تتكلم بنرفزه  ) انا امي الله يرحمها مش مع"فنه واوعي اسمعك تتكلمي عن امي بالطريقه دي تاني مره .. امي اشرف منك ومن عشره زيك انتي سامعه ولا لاء
الاب : ( بزعيق ) يوووووه انتوا كل يوم علي الموال ده بقي ماخلصنا انتي مش كنتي هتقعدي مع غرام اختك ايه اللي جابك
ولاء : بالذمه انت أب انت اقسم بالله انت ماحصلتش حتي ازازه  السڤن أب .. ده حتي ازازه السڤن لما بنفتحها بتفور وتغلي وانت معندكش مانع اني افضل في ڤيلا مع واحد غريب لا يعرفني ولا اعرفه
الاب : ( مسك كتف الفانله الحمالات المقطعه بتاعته ) اللاه مش يبقي اخو جوز اختك يعني مابقاش غريب .. ( مشي خطوه قدام وكرشه قدامه مترين )
الاب : وبعدين ما انتي لو كنتي بنت ابوكي بصحيح كنتي قولتيله انك ماتقدريش تبعدي عن ابوكي ومرات ابوكي وكنتي اخدتينا نعيش معاكي في الڤيلا لحد ما غرام اختك ترجع من شهر العسل واهو كنا ناكلنا حته زفر  انتي عارفه يابت كيلو الزفر دلوقتي بكام
ولاء : ( بتريقه ) وهعرف منين ياحسره احنا يوم ما بنجيب فرخه في البيت بنقطف ريشها ريشه ريشه ونحطه في الزهريه نزين بي الفاظه .
مرات الاب : اتريقي بروح الحجه الوالده اللي جواكي.. اتريقي يابنت سنيه القرعه
ولاء : امي سنيه كانت قارعه بصحيح بس مكانتش قارعه بمزاجها كان من كتر الكيماوى اللي بتاخده لكن انتي صحتك حديد وقرعتك بتنور لوحدها ما شاء الله
وبعدين اتريق ليه يامرات ابويا لا تعايرني ولا اعايرك الهم طايلني وطايلك