الهجينه ♡ ( جارى تعديل السرد من عامي الى فصحى)

الهجينه

مساء الخير يارب تكونوا بخير
حبيت ارد علي استفساراتكم بس ياريت اقول لكل اللي عندي واللي بيتابعني هنا وعلى الفيس ان الصفحه بتاعتي اللي على الفيس  اتقفلت من بعض من الناس اللي بيعملوا بلاغات عليها الصفحه كان فيها ١٣٨ الف متابع انا حقيقي مش عارفه هي اتقفلت ليه او ازاي او اتسرقت او  ، او  ، حاجات كتير بس اللي دخل اخد الاكونت بتاعي اللي على الفيس مش بس الصفحه وقفلهم
في البدايه عرفت ارجعهم بس رجعوا اتقفلوا من جديد ودي مش اول مره  قبل كده اتعمل عليها بلاغات ولحقتها واخدت حظر شهر وطبعا في كتير اتضايق اني مابنزلش في الشهر ده ومحدش راعا حالتي النفسيه كانت عامله ايه وقتها
انا بقالي كتير بعافر حرفيا في حوار الكتابه ده كتير اوي كمان بس للاسف محدش بيقدر ، الروايه هنا بيتابعها مش اقل من ٢٠ الف وللاسف التفاعل عليها ضعيف جدا مع اني بحاول اجتهد على قد ما اقدر في ناس هنا منكم مابشفهمش يعلقوا الا لما البارت يتأخر ده غير النجمه اللي مابيهنش عليكم تدوسوا عليها او حتى انكم ترشحوا الروايه وتعملوا عليها ميمز زي ما بشوف الروايات التانيه مع انكم موجودين وعندي نسبه مشاهده ٢٠ الف عدد مش قليل برضوا بس للاسف ماسكين في كام روايه مش اكتر هي ارزاق انا عارفه كلها ارزاق ربنا بيقسمها بس حبيت اقولكم وحياه ربي اللي اغلى من كل شىء انا عافرت في حوار الكتابه ده كتير عشان في يوم اطلع  للنور بس كل مره مابيعرفش طريقي غير الضلمه وبس اسفه بس انا بكلمكم وانا بكتب وبعيط حاسه اني ضيعت اربع سنين من عمري هدر بس وحياه ربي حاولت على قد ما اقدر بس مافيش فايده واخرها بعد ما اتحملت نقد كتير علشان بكتب بالعاميه اللي بقيت احارب بضوافري في الصخر كل يوم واتحولت من واحده بتكتب بالعاميه لسرد فصحى على قد ما اقدر وادور هنا وابحث عن الكلمه بالساعات علشان السرد يطلع بالمنظر ده طول الاسبوع وانا دماغي مابتقفش من التفكير وفي الاخر الصفحه اتقفلت مش هقول غير حسبي الله ونعم الوكيل بجد انا حاسه بأحباط العالم كله جوايا ربنا العالم انا مأذتش حد في يوم
#تعديل
حقيقي اسفه اذا كان كلامي ضايق حد بسبب قله التفاعل بس انا كل شىء اليومين دول حقيقي واقف ضدي فحقكم عليا وكلامكم على راسي والله بجد تسلمولي انا قرأت كل التعليقات وحقيقي فرقت معايا جدا بس انا مكنتش بتكلم على التفاعل على قد ما كنت بتكلم على الصفحه والاكونت اللي على الفيس لما  اتوقفوا انا هحاول ارجعهم تاني ادعولي
يرجعوا وارجع قريب اكمل الروايه