MAFIA KING'S BATTLE FOR LOVE "The Battle between Wife and Debt" Dela Vega Series

CHAPTER 2 - DEVIL'S KISS

"Alam mo mayor, hindi ako nakikipagbiruan sayo, ano naman ang gagawin ko sa babaeng yan?" Kahit ebenta ko pa ang katawan niya sa high end na club, hindi pa rin sapat upang mabayaran niya ang malaking halaga na inutang mo. Pera ang inutang mo sa tauhan ko na pinatay ng anak mo, kaya pera din ang dapat mong ibabayad. Hindi ako tumatanggap ng babae, kaya alisin mo na yang anak mo sa aking harapan!"

"Teka boss Allaric, nagmamakaawa po ako, wala po kaming pera na ganun kalaki, kung gusto nyo po luluhod pa kami ng anak ko sa harapan nyo ngayon, patunay na nagsasabi ako ng totoo."

Muntik nang ma out-balance si Jayna ng bigla siyang hinila ng kanyang ama upang lumuhod na rin kasama nito. Sa tanang buhay niya wala pa siyang ibang linuhuran kundi ang diyos lang. Para sa kanya, hindi naman Diyos ang lalaking ito para lumuhod sila ng kanyang ama. Habang nakaluhod silang dalawa, nagngingitngit ang kanyang kalooban na tumingin sa lalaki na parang walang pakialam dahil nakatuon pa rin ang atensyon nito sa mga pinirmahan na papeles.

"Mayor Enrique, alam mo naman palang wala kang pera na ganun kalaki, bakit ang lakas pa ng loob mong pumasok sa casino ko upang maglaro? Tauhan ko ang pinagkakautangan mo ng pera, at pinatay pa ng anak mo. Ngayon, kailangan mong ibalik sa pamilya niya ang pera na inutang mo! Kung hindi sapilitan kong ipakulong ang anak mo, at babawasan ng isang daliri ang iyong kamay.

"P..pero, Boss, naubos na kasi naming matalo sa sugal ang pera na hiniram ko, tanging itong anak ko lang talaga ang pwede kong ibigay."

Nagpupuyos sa galit si Jayna ng marinig mula kay Allaric na puputulan nito ng isang daliri ang kanyang ama.

"Hindi kasalanan ng daddy ko kung manloloko ang tauhan mo na nagbabantay sa casino. Alam na nga niyang walang pera ang daddy ko, may pakagat pa siyang nalalaman sa pera niya para mas lalong ibaon ang ama ko sa utang, kaya yun ang napala niya!"

"Shut up!" singhal ni Mayor Enrique sa kanyang anak, siniko pa niya ito sa tagiliran upang tumigil na ito sa pagsasalita. "Hindi mo ba alam kung sino siya? Siya si Boss Allaric Dela Vega, isang pitik lang ng kamay niya, hindi na tayo makakalabas dito ng buhay!" galit niyang binulungan ang anak upang ipaalam dito kung anong klaseng tao ang binabangga nila. Natatakot siya sa posibleng gawin ni Allaric, kilala ito sa pagiging Demon Beast pagdating sa mga taong kalaban niya. Imbes na makalabas sila ng kanyang anak sa islang ito na kumpleto pa ang katawan, baka lalabas na talaga silang dalawa na kulang ang paa, o daliri dahil sa kagagawan ng kanyang madaldal na anak. Kasalanan niya rin, hindi niya sinabi sa kanyang anak kung paano magalit ang isang Allaric Dela Vega. Kapag sinabi niya kasi, baka lalong hindi papayag ang anak niya na sumama.

Tama nga ang hinala ni Mayor Enrique, dahil biglang tumayo si Allaric mula sa kanyang upuan at halata na nagpipigil na ito sa galit habang papalapit sa kanilang dalawa ng anak niya. Nakapamewang pa ito habang nakatitig sa kanyang anak animo'y gusto niyang kainin itong buhay.

"Boss, ako na po ang humihingi ng kapatawaran sa sinabi ng anak ko. Hindi niya pa kayo kilala, kung ayaw nyo po sa kanya bilang bayad sa utang ko, uuwi na lang po kami, babalik na lang po ako dito kapag nakahanap na ako ng pera." nagmamakaawa muli ang mayor upang magbago ang isip ng binata.

Bahagya lumuhod si Allaric upang pumantay sa harap ng dalaga. His looks were mocking while raising Jayna's chin. "No! Huli na ang lahat mayor. Masyadong matalas ang dila nitong anak mo, kung hindi pa niya ako kilala, pwes, magpapakilala ako." madiin na wika ni Allaric,

Amoy na amoy ni Jayna ang nakakahumaling na init ng hininga nito na dumadampi sa ilong niya. Pakiramdam niya nanunuot sa loob ng kanyang katawan ang kakaibang fresh aroma na galing sa bawat bigkas ng mga labi nito. Naaakit pa siya sa kaputian at pantay-pantay na mga ngipin nito na halatang inaalagaan talaga. Gayunpaman makipag tagisan pa din siya ng matalim na tingin sa binata. Hindi siya natatakot sa mala demonyong aura nito. Total ganun din naman ang mangyayari, papatayin man siya nito, atleast mamamatay siyang lumalaban.

Naniningkit ang mga mata ni Allaric habang nakikipag tagisan ng titig sa dalaga. Buong buhay niya hindi siya tumitingin sa babae kahit ang sumulyap man lang sa mga ito. Ngunit ngayon hindi niya alam kung bakit niya inaaksayan ng panahon ang babaeng ito sa harapan niya. Sa naalala niya, ito palang ang ang tanging babae na hindi takot kapag kaharap siya. Halos lahat ng mga babae na nagmamakaawa sa atensyon niya, isang singhal niya lang, umaalis na ang mga ito sa kanyang harapan. "Hmmm, gusto yata nitong maranasan kung paano ako magalit," sa loob-loob niya. Muli niyang binaling ang mukha nito paharap sa kanya.

"Hindi mo ba alam? Dahil sa ama at kapatid mo kung bakit namatay ang isang tauhan ko. May pamilya din siya! Paano mo masasabing tama lang ang ginawa ng kapatid mo na pagpatay sa kanya huh!?

"Bakit sinabi ko ba na tama ang ginawa ng kapatid ko!? Hindi ko alam na makitid pala ang utak mo Mr. Dela Vega. Ang ibig kong sabihin, dahil sa panloloko ng tauhan mo kaya yun ang nag-udyok sa ate ko upang barilin siya. Kung tutuusin, ikaw ang dapat sisihin sa nangyari sa tauhan mo dahil hindi mo sila tinuturuan ng tamang patakaran sa loob ng casino. O baka naman ikaw ang nagturo sa kanila upang manloko ng mga customer nyo?"

Nagpipigil sa galit si Allaric, hindi niya alam kung bakit nanggigil siya sa talas ng dila ng babaeng kaharap niya. Kung tutuusin pwede na niyang utusan si Troy upang kaladkarin ang mag-amang ito palabas ng kanyang opisina. Ngunit nagpupuyos ang kanyang kalooban, dahil hindi niya magawa ang saktan ang babae, gusto niya itong gantihan at parusahan ngunit hindi niya alam kung paano. Hanggang sa mapadapo ang paningin niya sa nakaawang na labi nito, na kanina pa niya gustong durugin dahil sa sobrang kadaldalan.

Nanggigigil siyang hinawakan ang batok ni Jayna at marahas na tinawid ang pagitan ng mga labi nila. Mapagparusa ang paraan ng paghalik niya dahil may kasama itong pagkagat sa labi ng dalaga. Gusto niyang iparamdam dito na masama siya kapag nagagalit. Wala siyang pakialam kung nakatingin man ang ama ng babaeng ito, at isipin na binababoy na niya ang kanyang anak.

Pilit namang nagpupumiglas si Jayna at pwersahang tinutulak si Allaric, ngunit parang pader ang katawan nito, hindi man lang nakaramdam habang tinutulak niya, mas lalo pa nitong pinalalim ang paghalik sa kanya na may kasamang parusa. Nalalasahan na niya ang dugo mula sa kanyang labi dulot ng pagkagat nito, hanggang sa nagkaroon siya ng pagkakataon upang kagatin din ang labi ng binata. Nagtagumpay naman siya dahil agad siyang binitawan ni Allaric, ng nakaramdam din ito ng sakit. Kanya-kanya silang pahid ng dugo sa kanilang mga labi habang hindi pa rin humihiwalay ang mga matatalim na titigan nila sa isa't-isa.

Ngunit isang bagay ang biglang ginawa ng dalaga sa binata, dahilan upang masindak ang lahat at hindi makapaniwala sa kanilang nakita.