"اسيرة_لعبة_الماضي "باللهجة الجزائرية

الفصل 8

فات نص نهارو في اتصالات يأكد على الحاضرين المهمين تاع الحفلة يجو ومازن معاونو بتفقد وش ينقص من ديكور ومبعد مشاو جابو لي سوت(كوستيم) تاعهم وفاتو يهزوها من المدرسة بحكم مش مولية لعشية مراكيين قدام المدرسة يستناو فيها تخرج حتى شافها خرجت تمشي وتحكي معا البنات بقا مستنيها حذا لوطو يشوف فيها كيفاه تحكي معا البنات حتى نطقت وحدة معاها

سارة:ياا لينار هاهوك باباك بحذا لوطو لهيه

لينار شافت وين كانت سارة تشوف ونطقت بفرحة:ياا صح بابي ومازن

ميس:عندك الزهر يجو يهزوك باباك وعمك انا جامي جا بابا داني

لينار تبسمت وهدرت بعفوية:ايه ربي يخليهوملي ونتي ماماك طول تجيبك يعني كل واحد ظروفو

ميس/سارة:ايه نشالله ونتي ماماك راحت عليك سي بور سا راهم هكذا معاك هيا باي روحي ادلولة

لينار:منيش دلولة ومتجبديش ماما على لسانك فهمتي (وخبطتها لكتفها)

ميس::متمسينيش ورجعتلها الضربة و تلاصقو زوج يتضاربو و وحدة تفك لينار نتفتهم في زوج وهوما غير يعيطو اما ماهر كان لاتي يهدر وداير للجهة المعاكسة ومازن في لوطو لاتي بالتلفون حتى هز راسو وشاف الحرب قايمة نزل يجري ليها ويعيط على ماهر لي دار مخلوع من عياطو وشاف الدنيا قايمة جرى حتى هوا يفك مازن كان وصل تلاح هز لينار عليهم وشاف فالبنات يبكيو ووجوهم وشعورهم منتفين

شاف فيها مسغرب وهيا بين يديه:نتي وحدك درتي لهاذو هكذا

لينار شافت فيه وعاودت شافت فيهم ونطقت بعفوية وغش طفولي:هيه وضك اطلقني نكمل نتفهم ليوم

مازن تشوكا ولا شادها قاوي ويهدر معا ماهر لي كان لاتي يسكت لبنات :اخوياا راك مربي قطة يا جدك شوف كيفاه دارتلهم وحدها ياو وجوهم ولات خريطة شووف

ماهر::مازن اسكت متزيدنيش خليني نسكت لبنات

ميس /سارة:عمو لينار متوحشة وضربتنا وتلاحو في حضنو ينوحو

لينار شعلت في حضن مازن:بابا باابا بعدهم انا برك لي عندي الحق نحضنو ونبكي عندو هذا بابا انا مش باباكم مازن ربي يجيبلك مراا بعدهم بعدهم ااااا

مازن يتعافر معا تكعبيرها:آمين يا ربي آمين وزيدي على الدعاء تكون شابة بصح منطلقكش ..ماهر اطلق سماهم واحكم بنتك

ماهر سكت لبنات ودزهم يروحو وناض ليها

ماهر :فهميني وش راه صاري من ميرال للبنات في القراية لينار كيفاه نقابل والديهم ضك يا لينار

شاف فيها متكمشة فحضن ماهر(خفف صوتو بعدما كان عالي):لينار قوليلي وش دارولك

لينار شافت فيه ودموعها على شافرها :سبو ماما وقالولي راحت وخلاتك عليها يجو يديوك يا دلولة وانا تنرفزت كي جبدت ماما نتفتهم