"اسيرة_لعبة_الماضي "باللهجة الجزائرية

الفصل59

فات الوقت وخيم الليل بظلامو فدزاير الشوارع سكتو والطرقات قليل وين تلقا سيارة تفوت مي الشواطئ و الأماكن الخالية جامي يخلاو من ولاد بلادي المضروبين فالقلب والعقل

متربع جيهة الكورنيش اللي عندو فيه احلى ذكرى معاها لهنا وقت كان فأسوء أحوالو هي بلا ما تحس رضاتو وخففت عليه مزال هداك اليوم بين عينيه للآن

Flash bac

"....وقت الالم يفوت الحدود يولي معندوش صوت غير تحطت يد على كتفها تخلعت وجات تزرب توقف مي رجلها تعكلت وجات طايحة فالبحر مي ثم ثم لفقها هو بين يديه وبقى يتفرج فيها مغمضة عينيها ومستنية انها تطيح لزها ليه كثر ومشى بعيد على الحافة تاع الكورنيش اللي كانت قاعدة عليه(ونفسو اللي هو فيه ضك) فتحت عينيها بالشوي بعدما فهمت بللي مطاحتش لقات وجههو في وجهها :اييه هو كانت تخمم فيه وهاهو قدامها هي حسبت روحها طاحت وبدات تنوم بقات شاردة في وجههو تتأمل فكل تفصيلة منو

سيليا:افف يعني ضك طحت فالبحر مع الليل وعلابالي جامي واحد يلحق عليا وقادر نموت عادي مي تاع نبدا نوم بيك نن والله ماي عفسة

مازن شارد معاها وهي تهدر بصوت خفيف فهم بلي حسبت روحها طاحت وبدات تنوم استغل الفرصة انو يتأمل فيها وينحي وحشو منها اللي حاكمو من اول نهار عرفها بقى يشوف فيها مي ثم ثم عقد حواجبو وقت شاف عينيها الحمورة ومنفخين من البكا الدموع طريقهم مرسوم على خدها من كثرة ما بكات حكم وجهها بين يديه وحكى ببحة تذبح القلب صوت مليان حنانة وخوف على انسان تحبو :علاه راكي تبكي شكون قلقك؟"

تنهد يشوف للسما مازن:حتى وقت نحيتي عليا انا وعلى قلبي كنتي مضرورة وموجوعة

"سيليا هنا فطنت بلي مهيش تنوم وراهو هنا صح وراهي حطت روحها فأغبى موقف في حياتها ومعااه :ااااااااااااااع يااااربي وش هاد الزهررررر (عيطت فقلبها برك ههه)زربت جبدت روحها منو تعدل فلبسها والجيب اللي طلع ومسحت خدودها و عينيها تنحي آثار الدموع مي ضك طفرت راه فاقلها

مازن قرب حكمها من يدها:متمسحيش شفت بلي كنتي تبكي وضك تقوليلي علاش؟؟

سيليا والو بقات غير ساكتة ومهربة عينيها منو

هو هنا هبل بدا يعيط مازن:قتلك ضك تنطقي وشبيه دينك هبلتي ؟؟خارجة فنص الليل ووحدك وقاعدة تبكي مخممتيش يهجمو عليك كلاب بشرية ياكلوك هنا؟؟ ااه؟؟انطقي عاود عبر لبستها مليح زادو تفتحو عينيه ملييييح زير على يدها مرة اخرى:وهادي لبسة تخرجي بيها؟؟ااه؟هكاااا؟؟نتي مهبولة ولا دايرة النية فالهبال ؟؟؟هادي مش لندن تلبسي فيها وش تحبي هنا تباني منك من القح.....وقت تلبسي هكا وتخرجي فهاد الوقت

سيليا غشها كان واصل بيها للطوب وزادتها هدرتو اللخرة نفضت يدها منو بغش وهزت صبعها تهدد فوجهو:رد باااالك ,رد بااالك تعلي صوتك عليا ولا تخمم تقيمني بلبستي ولا وين نكون اصلا وش دخلك فيا وين نخرج, وقتاه ,معامن, وعلاه نتا مكاااان مااا دخللللك فهمتتتت