مارك:شيع مازن اللي كان يخنزر فيه شيعلو بيدو باي يتبسملو بالبارد ومشا فوسط الشجر عند رجالو
مازن:سيليا نحكي معاك شكون هداا اللي راكي تحكي معاه بالايطالية من وكتاه عندك أصدقاء لا وزيد من ايطاليا فالجبل ضك تفهميني وش كاين
سيليا خزرت فيه كيفاه مقلق من نيتو وهو من اللي يطلع النهار لاصق فنور ومبعد يجي يتبهلل بيها قربت تضرب فيه لصدرو:وش دخلك ؟؟ااه ؟وش دخلللللك؟؟؟ولا فالنهار مع وحدة وفليل مع وحدة ..وش حاسب روحك جاي تتصرف فيا صديقي مكان مدخلك نلقاه فالجبل فالغابة فالسما فاللرض مكاااااان مااا دخللللللك (بعدت عليه قعدت على حجرة تنهج وتمسح على صدرها حاسة روحها رايحة تتطرطق بزاف عليها وش فات مام هي انسان مش لدرجة تهز كامل هاد الأفكار والشي اللي راه صاري وحدها ويزيد يكمل عليها هو)
مازن شاف حالتها اللي شم من خلالها كاين حاجة كبيرة ولازمها تحكيلو قرب ليها وقعد قدامها فات وقت وهوما ساكتين حتى حط يدو مورا ظهرها وجبدلها راسها حطو على كتفو جات تبعد زيرها كثر
مازن:خليك عارفك معمرة ومتقدريش تحكيلي هادي أبسط حاجة نديرها...نقولك بلي عندك كتف تتسندي عليه ولا حبيتي تحكي هاني موجود
سيليا فوتت عينيها على البلاصة وتأكدت بلي ريحة انسان مكانش مش مارك برك اللي مكانش حطت راسها عليه تعرف بلي قربو يرحيها
تنهد وهو حاس بتنفسها فرقبتو:ياريت تبقاي ديما هكا قريبة ليا
سيليا:منق..درش
مازن:علاه؟؟
سيليا بداو دموعها يطيحو :هكااا هكاا منقدرش ممنووع حراام يازحي حراام عليا أنااا
مازن اللي حس بدموعها جمر على رقبتو قرب ليها وجهها بين يديه وهي عينيها حومر من البكا
مازن:معليش حرام على روحو المهم نكون معاك ميهمنيش الحرام معاك خير من الحلال مع مليااار
سيليا تاهت مع لون عينيه وهدرة مارك تعاودت على مسامعها"...ولاا..نحرق المخيم التافه تاعكم بيه باللي فيه ونديك ونروح منا..يعني في كل الأحوال رايحة تكوني معايا مي الطريقة رايحة تتبدل ونتي المتضرر الوحيد فالحكاية
سيليا شافت فيه وقلبها رعش من فكرة يموتو كامل جان,ايلين,مازن "
تنهدت وغمضت عينيها وقربت ليه باستو قرب شفافو وبعدت مخليتو مصدوم من جرأتها يكذب لا هاذي سيليا اللي قدامو جات تبعد عليه وتنوض حكمها كيف جات توقف وجابها عندو فحجرو اونفاص ليه
مازن:وش درتي؟!
سيليا خدودها حمارو تمنات تضرب روحها كف مي معليش مبقاش بزاف وميزيدش يشوف وجهها :و..ال..وو
مازن تاه مع عينيها واللمعة الغريبة اللي فيهم شايف ملاك قدامو مي شيطانها اللي ظهر ضك صح مقدرش يأمن بلي هاديك سيليا:راكي راضية على وش درتي في سيف؟؟
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
