سيليا :ايه عندك حق هكذا رانا نعذبو فيهم
مازن:ايه وعلابالك بلي حرام علينا نحيرو ساكن القبر
سيليا:ايه (وقفت و وقفت معاها لينار)ايا امشي نغسلو علينا ونجيو هههه شوفي ولينا زي الزومبي
لينار:ههههه لالا خدودك حمارو وليتي تهبلي وزينتي كثر
مازن فقلبو:اييه زادت زيانت وين كانت مخبية الزين هذا كامل
سيليا:ونتي ثاني اصغرونة زينتي مي الدموع مش ملاح بزاف
مازن:ايا امشيو اغسلو ورواحو الماكلة بردت ضك نعاود نكوموندي هيا
سيليا:اوك راها معايا ضك نجيو
مازن:متخافيش هاذي متقدريش تخطفيها هي اللي تخطفك هههههه
لينار:خزرت فيه شوفتها السامطة:هاهاهاها متضحكش
سيليا:ههههه يا عمري على القصف هيا هيا
راحو غسلو عليهم وسيليا تعاود فالغوجالاف ولينار تتفرج فيها
لينار:سيليا ديريلي منو
شافت فيها سيليا حاكمة الضحكة على شعرة:غوجالاف ؟؟
لينار:اييه
سيليا:ههههههههه باه هذاك المجنون ياكلني امشي اخرجي هكا راكي تهوبلي يا الزينونة يا درى لمن خارجة بزينك ؟
لينار:هههه انا منشبهش لبابا مي بلاك نشبه لماما
سيليا حطت الغوج من يدها وطبست عندها:كيفاه هاذي بلاك ؟؟
لينار:منعرفش ماما جامي شفتها ماتت وهيا في عملية الولادة تاعي وبابا مش مخليني نعرفها لا اسمها لا صوتها لاوجهها ...ولا حتى قبرها مي انا متمنية نعرفها
سيليا :يا حبي امممم قوليلي ؟
لينار:وش نقولك ؟
سيليا:مش حنا صحابات وتصاحبنا ليه ليه
لينار:اييه واحلى صحابات
سيليا باستها:تعيشيلي وعلاجالك وعلاجال صُحبتنا رايحة نعاونك تعرفيها
لينار:يااا قولي والله كيفااه؟؟؟
سيليا شافت الفرحة اللي في عينيها زاد اصرارها كثر تحوسلها عليها :ساهلة يا روحي اول حاجة لازم نعرف باباك وبشكون كان متزوج واذا مصلحتش هاذي نشوف السبيطار اللي زدتي فيه ونهز منو اللي ولدو في نهار ولادتك ونشوف شكون الاحياء منهم واللي بقات تكون امك
لينار:يعني كامل الولاد اللي تزادو في نفس نهاري امهاتهم بقاو غير انا ؟
سيليا :هذا المكتوب صغرونة اا قوليلي وش اسمو باباك؟ به نبدا نحوس
لينار:ايه بابا تعرفيه هو...
ويهد عليهم مازن لا سلام لا كلام
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
