ماهر فوت يدو على ظهر ايلين وحس برعشتها مستحلي قرب اهم زوج فحياتو ليه حتى بشوي جبدت روحها منو وخلات لينار عندو حاكمة فيدها
ايلين:على سلامتك ماهر
ماهر:الله يسلمك مرسي ايلين كي جبتي لينار وبقيتي معاها فالفترة هادي
ايلين:واجبي هدا والمفروض نكون معاها من قبل مش ضك برك مي معلييش مزالو ليام ونتفاهمو بياان
لينار:ماما بابا هيا نروحو لدارنا
ايلين حبت تهزها:هيا تروحي معايا
لينار كبشت فماهر:لااا مع باباااا
ايلين والحاضرين كامل قلوبهم تقسمت سيرتو وهوما شاكين باللي حالتها النفسية مهيش مستوية سيليا وقفت قدام مازن
سيليا:ماازن بليييز تدخل
مازن:سيليا حبي وش رايح ندير شوفيهم كيفاه..قولي لختك تبركا تخشان الراس تااعها
سيليا:على اساس خووك خااطي(شنفت ودورت عليه)حكمها من مرفقها بشوي باه ميشوفوهمش
مازن:حبي متخليش مشاكلهم تدخل بيناتنا خليهم يفكوها وحدهم
سيليا:مييي..
ايلين شافت فماهر:ماهر اهدر
ماهر:لينار بنتي معليش تروحي مع ايلين ضك وانا مبعد نجي نشوفك
لينار:لااااا نحب نبقى معاكم للزوج
ماهر شاف فايلن بترجي:ايلين سيتوبلي ارواحي معانا العشية هادي وفليل نروحكم للدار
ايلين تنهدت وشافت فسيليا اللي دارتلها براسها ايه اصلا لازم تسمع منو تفسير ويفهمها كلشيي:أووك
تبسملها بامتناان:مرسي ايلين
خلات لينار فيدو وهو خرج وهي وراه
سليمة ونسيمة خرجو معاهم وسيليا جات خارجة لحقها جان يمشي قدامها ما خلا مازن قريب يطرطق وحدو زعما وش الحكاية اللي رايحة تجمع جان وسيليا؟!!
ركبو لوطو كيف كيف لينار وماهر وايلين ومازن روح بنسيمة وسليمة للدار ونفس الشي داروه سيليا وجان
لينار واقفة بين الكراسي القدامية وتحكي:هههه بابا وين نروحو ضك؟
ماهر شاف فيها من المراية القدامية تاع لوطو:رايحين نروحو نشمو هواا
لينار:اممممم وعلاه ماشي الهوا اللي يشمنا
ماهر:بيسك نتوما أكسجين حياتي وحدي وانا الوحيد اللي عندي حق نشمكم
ايلين بقات تشوف فيه تايهة راه يتصرف عااادي؟؟؟من نيتوو؟؟حاسبهااااا باه تساامحو هكا بالساااهل؟؟؟؟نووو غير ينسى
لينار شاف فيهم تايهين ببعض:احمم اححممم دوكا هادي هي الرومانسية؟؟هههه امم بابا النييفو هاابط غير طلعوور
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
